الشاعر سيف الخفاجي

2017-11-18 00:03:11 Channel photo updated باز کردن / نظر دهید

2017-10-15 20:44:00 #ويبقى_الحسين





شلون اطلع التراب التارس جروحك
شكد حوافر شفت معوجة بضلوعك
راسك خذو والجسد ضل شابك بروحك
وانه اصيح انمرد وانه اصيح انمرد
.........
حسين ذبلان راح عطشان
والسيوف من الشمس تجوي واجت
فحطانه
كلشي ضده بغربة وحدة
مفطرة شفافه مشه دم تجري
جي عطشانه
ترسو صدره سهام موجره رماح بضهره بنص الخيل
بضهر الخيل وضل ماطايح
وصلوا يمه وجرو حيل
طاح مملي سهام اعله الوجه من مهره
شفت كل الضلوع اطشرت من ضهره
دار جسمه نحفر ضهره يبن بصدره
واني اصيح انمرد
........
ضل ينازع شفته واكع
هوسو وسيوفهم تكطر شفت دم حسين
ياهو سيفه ما وصله
الماحضاله بجرح فوك الجرح سوو اثنين
يشيل بأيده يوكع جتفه مايكدر ينهض ممرود
تجوي الكاع وجسمه مطشر يتكلب وبروحه يجود
صحت عالتل اذا تسكت تره يضربوني
خوية خافن علي يسمع اذا شتموني
خويه وخر السهم شوف الحجي البعيوني
وانه اصيح انمرد
............
صحت عالتل ترضه انذل
كوه لم روحه اوكف وبحلكه ضربوه بسهم
بسيف ضربوو جفه كطعوو
من رفع ايده اعله عينه يمسح بجفه الدم
طاح بدمه ومحد يمه ياهو يلمه
مطشر ضاع
دمه بجفهم داسوو كلهم حسين بنصهم سوو كاع
الخيل كامت تشمره ويوكع وفوكه اتدوس
والسهم فوك السهم كل جسمه يوكع متروس
والدمع بعيونه باقي من السهم محبوس
وانه اصيح انمرد
.........
خل رجله فوك صدره
كعد ذباحه اعله صدره
حسين سد عيونه
جر لحيته شال راسه
وضل يضربه بحجر شفته مرد وسنونه
شال السيف وكل ما ينزل زينب تصرخ لتئذي
ضل من ضهره يحز براسه حد ما شاله يهوس بي
شاله من شيبه ويمرغل بالتراب ابراسه
جوه رجله حسين يرفس ماكطعهه انفاسه
والله دنيا الشمر حط صدره اخوي وداسه
وانه اصيح انمرد
........
الخيل فزعت جسمة مردت
جلب بجدم الحوافر وانسحل فوگ الحجر
شلون اعوفه وانه اشوفه
جسمه مايلم بعد شفته بحوافرهم وذر
بجفك تسعة وين العاشر ذاك الخنصر جوه الخيل
من كتلهم طلعت روحه بعنادي يسحكونك حيل
صوت الاضلوع اسمعه من يطكوهن
وانه اخافن عبينه لا يحركوهن
اكباله صاحو بنات حسين طلعوهن
وانه واصيح انمرد
........
جيشهم صال والحجي اشكال
خوية زينب سمعوهه الماطيب الخاطر
يوجع هواي ولو تسمعه
يبو الغيرة يهون خويه عليك جرح الحافر
خويه رقيه اعله الترجيه تكله انطيهه وجرهه بجفه
طكهه بسوط وطاحت تبجي وضل يسطرهه وما يتشفه
ركضت وحافيه وطاحت رقيه
اعله النار
الخدهه بس شفتك عرف يسطروهه لو تندار
كل جسمهه صبح ازرگ عليه اثار
وانه اصيح انمرد
.....
سيف الخفاجي

#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1 باز کردن / نظر دهید

2017-10-09 19:14:41 عباس يمه بكربله عالمشرعة اتذكرني
هز الجذع يوكع دمع من عيني هذا اعلى ابني
لتصدك انساك لتصدك انساك
*************
جلجلت بيه المأسي وانحنه مني الضهر
ودعتهه انجوم ليلي وجودر بعيني السهر
بروحي ضلمت ليل صارت وانه اودع بالكمر
وادري من اتغيب عني ماترد ليه ابشهر
مارمشت عيوني لمن شفتك مشيت اكبالي
بس عيني شافت عالارض يبجي عليه اخيالي
لتصدك انساك لتصدك انساك
**********
ودعتهم ولدي كلهم اربعة اكبالي انطفو
برمشه عن عيوني راحو ماشفتهم واختفو
مثل ماي بصرحه طاح ومايرد هيج انجفو
كلبي نكط دم احسه وصدري در لمن مشو
كلشي بعيوني زغر لمن نوو ممشاهم
الدنيه وبهذا الكبر اخذوهه اضن وياهم
لتصدك انساك لتصدك انساك
************

صبر جم يعكوب اريدن وانه وحدي بهالوضع
ولد واحد راح منه ابأرعة اني انفجع
بيت الاحزان انه افطره بونتي الماتنسمع
مكبره اخدودي احسهه واشكثر دفنت دمع
المغرب ايهل الكمر مايخجل من احساسي
اضلم احسه بلا ضوه واليضوي بس عباسي
لتصدك انساك لتصدك انساك
***********
يمه يا عباس اريدك هناك يم المشرعة
من تجيك لزهره تلكه اجفوف اديك امكطعة
يمه يم الزهره اريدن راس امك ترفعه
ومن تجره النفس يمه كل هوه الطف جمعه
احرم الجيش الهوه واكطع عليه انفاسه
واعتب تره لو عاينت واحد ركبته ابراسه
لتصدك انساك لتصدك انساك
***********





بروحي تالي الليل المكم واصل الحد الطفوف
وعيني مانزلهه اخافن خاف توكع عالجفوف
والكه حلمي بنار يفتر عليه جم سيف اليطوف
والكه ناس بلاية ناس محد بكلبه يشوف
باعو ضماير والذمم وكلوبهم سدوهه
مافكرو من اهجمو بنت النبي اليسبوهه
لتصدك انساك لتصدك انساك
***************
سيف الخفاجي باز کردن / نظر دهید

2017-10-07 16:26:21 #ويبقى_الحسين






الليلة اخيره
بسرعة تخلص
باجر ايطش الشمل
تبجي زينب شابگة حسين
.........
الليله اخيره بالخيم
وصوت البجي بس ينسمع
كلهه نست طاري العطش
وبموادعه يحجي الدمع
وحسين تنزل دمعته
وزينب كلبهه ينشلع
مسحت لحيته من الدمع
واتكله انه ادري الوضع
خويه جا غير
انتي زينب
نقطة وبراس السطر
تبجي زينب شابكة حسين
.........
واتلوج زينب بالخيم
طك عوده موضوع السبي
واتكله باجر خويه نار
وخافنهه توصل للعبي
ال لو مرهه مشموم الهوه
متشمه تعتبره اجنبي
الحافر يأذي بدوسه كاع
شلون صدرك خويه
بي
اليوم يمنه باجر شلون
الكاع لو صارت جمر
تبجي زينب شابكة حسين
..........

باجر ركض بين الزلم
وزينب ترى تره ماطالعة
باجر تره خويه انشتم
اسمع حجي الما سامعة
زينب اسمهه اعله اللسن
اي هيه هاي الفاجعه
مابينك وبين الخيم
يا رايحة ويا راجعة
بت علي تصير تنطك سياط
والله كلفه يا بشر
تبجي زينب شابكة حسين
............
باجر اشوفك ع الترب
كاعد عله صدرك شمر
يذبحك يخويه من الضهر
وانه انضر وكلبي جمر
وركض وصيح حسين راح
وراسك عليه ينشمر
واكعد واشبگة ومن اكوم
يحسين خدي ينسطر
الاخت تنذل خلاف اخوهه
باجر خلافك اطيح
تبجي زينب شابكة حسين
............
باجر رماد بشيلتي
مبخره بدخان الخيم
ومن دمك اصبغ وجهي دم
خاطر اضيع ويه الحرم
يلمع بجفك محبسك
باجر يطك كلبي بسهم
باجر اشيله من الترب
خنصرك واكع كله دم
هم يفارك مثل حالي
الخنصر يعيش الهجر
تبجي زينب شابكة حسين
............
الجان صاكرهم علي
باجر عليه ايأشرون
ذلوهه راح العباس
واليوم شافتهه عيون
ومنادس ابين الزلم
كلهم عليه ايضحكون
اكعد اخاف اعله الستر
ابمتني خل ايضربون
بلكي تتعب ايده وايروح
تطبع بمتني العبا
تبجي زينب شابكة حسين
...............
سيف الخفاجي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1 باز کردن / نظر دهید

2017-10-03 02:58:56 باز کردن / نظر دهید

2017-09-24 02:00:18 #ويبقى_الحسين








انه زينب عزيزة بزود اخوتي وراسي عالي
ضوه شمس وكمر ليل وصبح طر من خيالي
طيحتي رمح وعليه راس حسين
طيحتي عين وسهم والجفين
طيحتي طيحتي
...........................................
بحر حزني بجرف همي ضلام بگاع متبدي
طريق بعيد الم دموع ومايعطش ابد خدي
ليلة وبيهه شح الصوت
وحجي عيوني كله حسين
شلمك والنوايه هواي
اجت هاي السيوف منين

دبرلك عذر باجر تره محتاجة عذرك
كلي جم رمح باجراشوفنه اعله صدرك
ياهو الي.. باجر اذا طولك طاح
ياهو الي.. لو مطرت الخيمة رماح
طيحتي
....................................
يجي باجر تغيب انته
يكون اولا شمس تطلع
يصيح حسين لا تبحن
بجيجن باجر امربع
متني وراسي مايبقن
شمس باجر تخلف سيوف
الدنية الماتشوف حسين
تفز لمن تطيح جفوف

القدر راسم الي راس برمح نار وسباية
الطف باجر بداية تبتدي لل لا نهاية
كربله ..لا زم تطش بيهه دماي
كربله ..نطعش يشح النه الماي
...................................
كشف وجه الصبح لونه ورقية تخاف من الدم
احمر حته لون الكاع الهوه مخنوگ ماينشم
صارت نعمة الله تطيح
بلايه اسم الله فوك الكاع
وماكو ملاگه ويه السيف
الرگب جانت حجيهه وداع

انجنو والعقل بحسين اذا تنجن دليلك
الشمس تصرخ يبو الاكبر ابقه لو اجيلك
حيرته ...لمن عله عيوني اندار
حيرته ..ذابل اجاني ومحتار
طيحتي
.................................
وكف وكفه هوه ومحتار والجيش اعله شوف العين
نبل وارماح السيوف هواي وكلهه تريد جسم حسين
مشه مشية تراب بريح
من ايطش ولا يلتم
وانسدت بعد ماشوف
بس بس صوت الطبر والدم

وعله متون العبي دمك تطشر من اديهم
شلمك واليتامه انطشت ومحتارة بيهم
التفت ..نار وساط وايتام
التفت ..جسمك ترس طوله سهام
................................
اجيتك اركض اعله ال اخ وشمرو راسك بحضني
تراب ودم صبغ وجهك مغمض مستحي مني
وامسح لحيتك بيدي
واقبل الراس واشتمه
واكول اعله الرمح ينشال
خاطر يكشخ بدمه

الحجر شفتك مردهه ودمعي بجروحك بجيته
اجيت اركض عليك وتالي بس راسك لكيته
خويةليش... كوم الخيم حركوهه
خويه ليش... بخيل ايتامك سحكوهه
طيحتي
.............................
شفت صدرك تدوسه الخيل بحوافرهم وصل منك
خلوك اعله طول الكاع ونفس فحطان اسمعنك
شفت خنصر ابين الخيل
بلا محبس وكع خجلان
ماضل كل اثر منه
حسين اتطشر العطشان
اركض والزراك بمتني ساترته العباية
اطيح او اوكف وتركض يتاماك ابوراية
وانجفي... وابمتني جم سوط ايطيح
وانجفي... رايه وهوه بحلك الريح
طيحتي
.................................

سيف الخفاجي


#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1 باز کردن / نظر دهید

2017-09-23 01:36:01 باز کردن / نظر دهید

2017-08-25 20:04:13 عوف كلشي ورجع الضحكة الرقية
هاي روح حسين ضلت بين ادية
شلون ارد لحسين شلون ارد لحسين
*************
من مشه حسين المصيره والقدر شاء او امر
عينه ضلت عالخيام وشفته احس كلبي انفطر
كل هوه الطف ضل يدفعه وضل يطم بعده الاثر
بكلبه احس جانت وصيه وشايل بعينه خبر
عينه مارمشت ابد من قرر ايروح
حاول ايسد عينه لاكن دمعه مفضوح
شلون ارد لحسين شلون ارد لحسين
***********
حسين راح وروحه ضلت تفتر بنص الخيام
عنده طفلة تبجي يمي وابد ما تقبل تنام
اباب خيمتهه الرقية من مشه مات الحمام
وضلت اتناشدني عنك حسين مادزلي سلام
اينام مو طبعه ابوي وما يجيني
شلون نام وانه ما مطبوكة عيني
شلون ارد لحسين شلون ارد لحسين
************

الدنية من اتذب حقدهه ما تميز بالعمر
وماتعرف ابطنه شايب شاب لو شفت الكبر
طفله من احسب عمرهه جفي ماضن ينعبر
شافت انواع المصايب خدهه مل من السطر
ورده ما شافت نده اسياط ابمتنهه
ومن تصيح حسين سطرات الاجنهه
شلون ارد لحسين شلون ارد لحسين
***********
الطفله كون الي ابعمرهه يلعب وياهه الهوه
ومن تمسهه الشمس تخجل خاف ياذيهه الضوه
مو ابين الموت تمشي خدهه بالنار انجوه
رادت الغالي واجوهه ابطشت بالنار ارتوه
من زغرهه انواع شافت من الهموم
بين خيل ونار توكع كوه واتكوم
شلون ارد لحسين شلون ارد لحسين
***********
ها يملك الموت باوع خاف مو هاي القصد
طفله هاي الموت اكبر عنهه حاول تبتعد
ولو ادري بجيتك انته خالي ماضنك ترد
ومن تجر الروح حاذر خاف بيدك تنمرد
من تجر الروح صير ابشكل ابوهه
هواي حبوهه ومشو عنهه ونسوهه
شراح اكل لحسين شراح اكل لحسين
************
الشاعر سيف الخفاجي

https://t.me/saif_alkhafaji باز کردن / نظر دهید

2017-08-25 19:59:22 ياصاحب الزمان عج باز کردن / نظر دهید

2017-08-24 00:24:44

باز کردن / نظر دهید