2020-08-20 12:07:46
ما ينصب هاي السنه مأتمك يابو الاكبر ؟
معناها الاعدام الحكم للعاشگه وما يحظر
انصب عَزَهَ لو أكعد بروحي
ولطميه اقره وتلطم جروحي
وچم ملك يحظر لو سمع نوحي
وصتنا امه ذكروا مذبوحي
يلي انت باصحاب الكسا ترتيبك انت الخامس
ما تنحسب من العمر ايامها المجالس
بس هذا مو هو السبب بس العشگ ظل يكبر
معناها الاعدام الحكم للعاشگه وما يحظر
@@@@@@@@@@@@@@@@@@
اي ساعه ساعه أحّسب اسبوعي
وللوحشه حاسب شايل شموعي
وللگال انا الطحنوا ضلوعي
لميتهن طول السنه دموعي
ومحضر اثياب الحزن لمن محرم يدنه
وحضرت صينيه عرس وخليت بيها الحنه
وانطش على القاسم دمع ثامن جرح نتذكر
معناها الاعدام الحكم للعاشگه وما يحظر
@@@@@@@&&&@@@@@@@@@&
ماتم وبيه ام الحسن تجلس
چا گلي بلّه شعظمه هالمجلس
مو حقي اصرخ انا بأعلى الحس
يحسين وانذر بالعَزَه اكنس
ونواسي بيها ام الحسن من نحضر المآتم
وبدفتر زهره عسى يتسجل اسمي الخادم
ودموعي يبقلي ذخر عد فاطمة بالمحشر
معناها الاعدام الحكم للعاشگه وما يحظر
@@@@@@@@@@@@@@@@@@
من البس الاسود يلوموني
ورايح الماتم ناس شافوني
اعذرهم انا الما يعذروني
حقهم لأن ما وصوا اجنوني
وتعلمت درس العشگ واستاذي هوَه عابس
بكل خطوة احصلي اجر من امشي للمجالس
ويردوني ما اروح العَزَه هيهات عنه اتأخر
معناها الاعدام الحكم للعاشگه وما يحظر
@@@@@@@@@@@@@@@@@@
گالولي مذنب رايح الماتم ?
وصاير حسيني ولابس الخاتم !
اي والبراق البيه سرى الخاتم
من حسين مو اكرم تره حاتم
جنحان رجعهن إله من مهده هزاه فطرس
معقوله انا امن العزه چا هسه اطلع مفلس
شمحلاها لطمه اعلة الصدر وياها اصرخ حيدر
معناها الاعدام الحكم للعاشگه وما يحظر
@@@@@@@@@@@@@@@@@@@@
لوجه الله
سجاد العبود
334 views09:07