2020-07-09 19:44:07
ﺍﻟﺴﻤﺎ ﺣﺐ ..
ﺍﻟﺪﻳﻦ ﺣﺐ ..
ﺍﻟﻨﺎﺱ ﺣﺐ ..
ﺍﻟﻄﻴﻦ ﺣﺐ ..
( ﻳﻤته ﺻﺎﺭ ﺍﻟﺤﺐ ﺫﻧﺐ ؟! .. )
ﻳﻤﺘه ﺻﺎﺭ ﺍﻟﺤﺐ ﺣﺮﺍﻡ
ﺁﻧﺔ ﺃﺣﺐ ﻛﻞ ﺍﻟﻨﻮﺍﺭﺱ ﻭ ﺍﻟﺤﻤﺎﻡ ..
ﺁﻧﻲ ﺃﺣﺐ ﺑﻨﻴﺔ ﺳﻤﺮﺓ
ﻭﻃﻔﻠﺔ ﺷﮕﺮﺓ
ﻭﻧﺎﺱ ﻓﻘﺮﺓ
ﻣﻦ ﺍﻟﺒﺮﺩ ﺗﺘﻐﻄﺔ ﺑﺎﻟﻄﻴﻦ ﻭﺗﻨﺎﻡ ..
ﻭﺫﺍﻙ ﺃﺑﻮﻱ ﻳﺤﺐ ﻭﻃﻦ ﻣﺎ ﻋﻨﺪﺓ ﺟﺎﻡ ..!
ﻭﺃﻣﻲ ﻣﻠﻔﻮﻓﺔ ﺑﻌﻠّﮓ ﺃﺧﻀﺮ ﻗﺪﻳﻢ
ﻭﺗﻌﺸﮓ ﺍﻟﻜﺎﻇﻢ ﺃﻣﺎﻡ ..
ﻭﻛﻠﺔ ﺣﺐ ..
ﻳﻞ ﺗﻌﻴﺶ ﻭﺗﻜﺒﺮ ﺑﺴﺮﺩﺍﺏ ﺃﺳﻮﺩ
ﻟﻴﺶ ﺭﺍﻳﺪ ﺗﺪﻓﻦ ﺃﺣﻼﻣﻲ ﺑﻈﻼﻣﻚ؟ !
ﻟﻴﺶ ﺗﺠﺒﺮﻧﻲ ﺃﻋﻴﺶ ﻣﻠﺜﻢ ﺑﺪﻳﺮﺓ ﺃﻳﺎﻣﻚ ..
ﻟﻴﺶ ﺭﺍﻳﺪ ﺗﺨﻨﮓ ﺃﺣﻼﻣﻲ ﺑَﺄﺣﻼﻣﻚ ..
( ﺍﻟﻠﻪ ﻭﺍﺣﺪ )
ﻭﻫﻮ ﺃﻣﺎﻣﻲ
ﻧﻔﺴﻪ ﺃﻣﺎﻣﻚ ..
ﻭﺍﻟﺮﺳﻮﻝ ﻳﺤﺒﻨﺔ ﻛﻠﻨﺎ
ﻭﻣﺎﻫﻮ ﻭﺍﺣﺪ ﻣﻦ ﻋﻤﺎﻣﻚ !
ﻭﻫﻮ ﻣﻮ ﺻﻮﭺ ﺍﻟﻮﻛﺖ
ﺧﻠّﺎﻙ ﺳﺠﻴﻨﺔ ﺑﻠﻬﺎﺗﻲ ..
ﻫﻮ ﻣﻮ ﺻﻮﭺ ﺍﻟﻮﻛﺖ
ﻣﻦ ﺷﮕّﮕّﺖ ﺑﻴﺪﻙ ﺣﻴﺎﺗﻲ ..
ﻫﺬﺍ ﺣﻆ ﺍﻟﻔﻘﺮﺓ ﺟﺎﺑﻚ !!
ﻟﻴﺶ ﻳﻮﻣﻴﺔ ﺃﻣﻮﺕ ﺑﻌﺰ ﺷﺒﺎﺑﻲ
ﻭﻟﻴﺶ ﻳﻮﻣﻴﺔ ﺗﻌﻴﺶ ﺑﻌﺰ ﺷﺒﺎﺑﻚ ..
ﻟﻴﺶ ﺭﺍﻳﺪ ﺇﻧﺪﻓﻦ ﺷﺠﺮﺓ ﺑﺘّﺮﺍﺑﻚ ..
ﺃﻧﻲ ﺍﻓﺘﺢ ﻟﻠﺸﻤﺲ ﻛﻞ ﻏﺒﺸﺔ ﺑﺎﺏ
ﻭﺍﻧﺖَ ﻛﻞ ﻏﺒﺸﺔ ﺗﺴﺪ ﺑﻮﺟﻬﻲ ﺑﺎﺑﻚ ..
ﻳﻠّﻲ ﻣﺎ ﻋﻨﺪﻙ ﺻﻠﺢ ﺣﺘﻰ ﻭﻱ ﺫﺍﺗﻚ ..
ﺁﻧﻲ ﺃﻣﻨﻴﺘﻲ ﺃﺷﻮﻑ ﺃﻃﻔﺎﻝ ﺗﻀﺤﻚ ﺑﺎﻟﻤﺪﺍﺭﺱ
ﻭﺃﻧﺖَ ﺗﻨﺼﺐ ﭼﺎﺩﺭ ﺑﮕﻌﺪﺓ ﻋﺸﺎﻳﺮ
ﻫﺎﻱ ﻗﻤﺔ ﺃﻣﻨﻴﺎﺗﻚ ..
ﻣﻦ ﺃﻛﻠﻚ ﺁﻧﻲ ﺃﺣﺒﻚ ﺧﻞ ﻧﻌﻴﺶ ﺑﺪﻧﻴﺎ
ﻣﺎ ﺑﻴﻬﺎ ﺣﺮﻭﺏ ﻭﻻ ﺭﺻﺎﺹ ..
ﺗﮕﻠﻲ
(ﺃﺳﻜﺖ ﺁﻧﻲ ﺁﻏﺎﺗﻚ ..)
ﻟﻴﺶ ﻣﺎ ﻋﻨﺪﻙ ﺣﻠﻢ ﻭﺭﺩﻱ ﺑﺤﻴﺎﺗﻚ ؟!..
ﻟﻴﺶ ﺧﺎﻳﻒ ﻻ ﮔﺬﻟﺘﻲ ﺃﻃّﻮﻝ ﻭﺗﺨﺮّﺏ ﺻﻼﺗﻚ ؟!..
وماذا بعد
123 views16:44