شو بتفيدني شهادة البكالوريا؟ شو فيني أعمل بعد ما تصير معي الشه | سلسلة التفوق التعليمية
شو بتفيدني شهادة البكالوريا؟ شو فيني أعمل بعد ما تصير معي الشهادة وإذا ما طلعلي شي عالمفاضلة العامة شو بكون استفدت منها؟ أو شو هي المفاضلات اللي ممكن قدم عليها وخاصة إذا معدلي قليل أو بدي شي غير موجود بالمفاضلة؟؟
وهي بس بتفيد أنو نقدم ع المفاضلات وإذا ما طلعلنا شي منكبها؟
لا ألها فوائد كتيرة رح أذكرلكن ياها وكل الشغلات اللي ممكن تقدموا عليها وبتفيدكن كتير وكل بند رح أشرحلكن ياه بالتفصيل بعدين
1_أهم شي بتخليكن تقدموا ع المفاضلة العامة وتحجزوا مقعد بالجامعة
2_فيكن تقدموا فيها ع مفاضلة الموازي وهي نفس العام بالزبط بس فيها دفع تكاليف سنوية وما بيكتبوا ع شهادتكن أنو موازي
3_ في حال ما طلعلكن شي عالعام أو الموازي بتقدروا تقدموا ع مفاضلة التعليم المفتوح بنفس السنة اللي اخدتوا فيها الشهادة أما إذا طلعلكن شي فرع عالعام أو الموازي فيكن تقدموا عالمفتوح بعد بسنتين..
4_بتقدموا عالمنح الداخلية وهي منح تقدمها الجامعات الخاصة للطلاب مجاااناا وفي ألها مفاضلتين مثلا هديك السنة بعرف طالب مجمع ٢١٦٠ ما طلعلوا هندسة معلوماتية سجل منحة ع الخاص وطلعتلو هندسة معلوماتية بس أما بصيدلة وطب الأسنان لازم فرعك يكون ناقص إجزاء بسيطة عن السنة التحضيرية لتطلعك وهي كلها عحسااب الجامعة الخاصة
5_بتقدموا ع المنح الخارجية مثلا الهند وروسيا وإيران والجزائر ومصر والعراق وبلغاريا وعمان ورومانيا بيطلبوا طلاب سوريين معهن شهادة بكلوريا ليدرسوا هونيك عحساب الدولة المضيفة وكل ما دولة عم تطلب منح عم نزلها أنا وهي رح أحكيلكن عنها بالتفصيل
6_بتقدموا فيها للجامعات الخاصة والجامعات الشرعية الخاصة بس طبعا مع التكاليف وفي معاهد خاصة طبعا متل معهد تعويضات وهيك...
7_بتقدموا فيها عالجامعة الافتراضية مثلا اللي مجموعو فوق ١٩٢٠ بسجل هندسة معلوماتية وفوق ١٢٠٠ فيه يسجل اقتصاد وحقوق وإعلام وفيها أفرع هندسة اتصالات وتقانة معلومات وفيها معاهد كتير ورسومها مو عالية أبدا بالنسبة للموازي وفيكن تسجلوا فرع عالعام وفرع عالافتراضي وهيك
8_بتقدموا فيها ع مفاضلة معهد دمشق المتوسط هو للفلسطينين بس آخر شي صاروا عم يقبلوا سوريين وفيكن تسجلوا فرع ع العام وفرع عالمعهد في ١٣ اختصاص هالمعهد واختصاصاتو واسعة
9_فيكن تقدموا فيها عشغلات ما بتنزل بالمفاضلة متل الهندسة العسكرية والكليات الحربية والبجرية وكلية البنات والمعهد العالي للعلوم التطبيقية(بحوث علمية) والمعهد العالي المسرحي وهيك
10_ فيكن تتوظفوا بوظائف الدولة بالوزارات والمديريات متل كل هالموظفين بس فئة تانية وإذا كملتو دراستكن وأنتو متوظفين واخدتو الشهادة بتصيروا فئة أولى
11_في فئات ألها مفاضلات خاصة متل ذوي الشهداء( أخوة وأبناء الشهيد) وأبناء أعضاء الهيئة التدريسية( أبناء دكاترة الجامعات) ومفاضلة ذوي الاحتياجات الخاصة وهيك
12_ فيك تكمل دراسة برا البلد عحسابك وفي كتير هيك مكاتب مثلا بتدرس بألمانيا أو الأردن أو روسيا أو بأي بلد
13_بمجرد حصولك على الشهادة الثانوية فأنت رح تحصل على ميزات في حال كانت بوظيفة خاصة أو وقت تمشي عالجيش بالنسبة للشباب بتروح برتبة رقيب مثلا مو مجند وحتى إذا سافرت برا البلد ممكن تفيدك
صار البوست طويل ما رح كتر فيه أكتر من هيك في شغلات بسيطة منزلها بغير بوست وكل بند من اللي فوق رح نشرحلكن ياه بالتفصيل رابط قناتنا @salemalhamdan @salemalhamdan
