2021-10-15 22:33:52
#منكمل_نصائح
فيك تسجل صوت الدكتور بالمحاضرة مشان وقت ترجع تكتبهن وتنقلهن عالدفتر، بس للأسف رح تسجل بس ما رح تنقلهن عالدفتر لا تسألني ليش بكرى لحالك بتعرف....
لهيك يفضل تكتب ورا الدكتور
وقت بدك تتصور صور شخصية مشان الجامعة قلو يسحبلك ١٦ الصورة مو يسحبلك بس ٨ لأنو البركة لو الجامعة بدها تتبناك ما بتطلب هيك صور
خلي الصور اللي بدك تتصورهن مشان الجامعة حلوة مو ضروري تستعجل متل صورة الهوية
لأنو الصورة رح يحطولك ياها عبطاقة الجامعة وتضل معك ٤ او ٥ سنين (قابلة للتمديد)
لا ترتبط بحدا من دفعتك، إذا ارتبطت بشي وحدة ما بتحس إلا صرت حديث عكل لسان ورفقاتك ما بنادولك غير يا بتاع واسم حبيبتك، ونفس الشي أنتي كمان
خود سندويش معك هالجامعة عادي جداً لأنو إذا بدك تفطر وتاكل وتشرب بالجامعة ما بطولوا أهلك ليتبروا منك والبركة الأسعار صايرة سياحية، لهيك يفضل كمان ما تشتري شي من قلب الجامعة أحيانا الأسعار بتكون دبل عن برا يلي هي بالأصل دبل عن غير مكان
الارتباط مو ضروري بالجامعة يعني فيك تتخرج من غير ما ترتبط، يعني بربكن مو ناقصنا حركات روميو وجوليت من أول سنة، وإذا بدك ترتبط من كل بد مو تروح تنقيلي وحدة مرتبطة مع نص الدفعة ، دور بحبش والله في تشكيلة واسعة، وأنتِ نفس الشي
هي تبع أنك تتمسخر عشي حدا بالجامعة سواء حكيو أو لبسو أو تصرفاتو أو أي شي، هي حركات طلاب صف أول وتاني يعني وقتها مو عاجبك حدا فيك تعيرنا سكوتك وتتذكر جدك وقت كان يخلط الكولا مع الشاي ويشربو
إذا حدا سألك شو عنا بعدين أو البرنامج أو إذا معك قلم وما شابه مو تحمري وتخضري وتصفري كأنو طلب أيدك..
والله أنا بتذكر لما كنت سنة أولى سألت وحدة شو اسم دكتور المادة تخبت ورا رفيقتها
وكانت اخر مرة بسأل بنت
لا تتعربطوا بالمصنف الأخضر بهالأسبوع لأنو تثبيت التسجيل بدو أسبوع وأكتر ليبلش ومنخبركن وقت يبلش
يتبع...
(بعدين منكمللكن النصائح) ...
طبعا هي مو مسخرة والله بس نصائح بغير طريقة
طبعا ووقت بدكن تنسخوه لا تنسوا المصدر
#ضياء_ناصيف
Deaa Naseef
#منقول
104 views Raghad...Sy , 19:33
B
