2022-05-14 10:31:18
مو كل الخلافات تحتاج الى منطق..
اكو خلافات تحتاج تعاطف.. احتواء.. من دون مبررات هواي .. او تفكير هواي .. من دون حسابات .. شوية رحمة تكدر على انهاء اي خلاف جان ممكن يتحول ل انهيار و احنه ماشيين ونضيع وكتنه و جهدنه و احنه كاعد ندور ع المنطق بمشاعر الناس الي حولينا ..
بإختصار مو دائماً راح تلاكي منطق بشعور انسان نفسيته تعبانه..
يكولون
التواصل كفيل بأن يحل جميع الخلافات..بس اني اكول هالشي يمكن بس اذا جان ويه اشخاص عدها وعي بأساليب النقاش.. مو كل الناس التواصل وياهم ممكن يوصل لنتيجة ..
مو كل الناس مستعدة تحرك نفسها من زاويتها و تشوف الامور من زاوية ثانيه ..
مو كل الناس عدهم ثقافة الانصات .. مو كل الناس تكلف نفسها و تحط نفسها مكانك !!
الخلافات عمرها ما خوفتني من الناس.. اعوف كل واحد ع راحته.. احاول اوضح حدودي هواي ويه الي احبهم.. احب اسمعهم و يسمعوني.. احس الحياه ابسط من انه الواحد يكتم بداخله فترة طويلة..
اكو ناس خلافاتي وياهم زادت علاقتنا ببعض و عرفنا مساحات بعض و فهمنا بعض اكثر ..
و ناس انتهت ب اول خلاف !
متصنع الأصل والأخلاق تفضحه الخلافات"
166 viewsالۛـﮩۧﮩــز(Leader)عـﮩـﮩۜﮩۧــيمۦ , 07:31