2021-08-04 22:21:31
romantische Romane :
الحلقة الأولى
تبدأ الحكاية بولد وبنت قاعدين جنب بعض في مواصلة عامة
عٌمَر في نفسه:يعيني عليك يا عٌمَر ماكنش يومك تركب مواصلة عامة بسبب تحدي تافه بينك وبين صاحبك
فريدة جنب عٌمَر وهي تعبانة جدا وفجأة فقدت وعيها وبقت علي كتف عمر
عٌمَر في نفسه: ماكنش يومك يا عٌمَر دلوقتي تم التحرش بيك في مواصلة عامة مش ذنبي اني قمور بس متوصلش بالبنات للدرجة دي "إن بعد الظن اثم يا عٌمَر"
فضل ساكت كام دقيقة وقرر يبعد البنت عنه ذات رائحة البحر اللي ثبتت في دماغه...
عٌمَر:يا آنسة لو سمحتي ممكن تبعدي
فريدة......
عٌمَر: لأ حضرتك انا مش هستحمل اتفضلي قومي من علي كتفي اياكش كنت جوزك عشان تعملي كده
فريده ....
عمر قرر يفوقها ويلمس وجهها
عمر:فوقي حضرتك....نهار اسود البنت مولعة
عٌمَر:افتحي عينك لو سمحتي *مفيش رد*
عٌمَر:يا عم وقف الميكروباص ده فيه جثة هنا "دم عٌمَر خفيف جدا"
السواق:نهار اسود جثة مين يا ابن الناس
عٌمَر:مش عارف اللي جنبي سخنة ومغم عليها
السواق: طيب يا بني هنروح بيه اقرب مستشفى
وصلو عند المستشفى وعمر شالها ونزلها وبعد ما نزلو شاف وشها الابيض زي بياض الثلج والباهت من التعب شفايفاها اللي بقت صفراء بس هي مازالت تتمتع بجمالها حتي وهي تعبانة لسا زي حورية البحر زي شخصية الكارتون اريال
بعدين ما عمر سابها في المستشفى ومشي ليكتب القدر اقداراهم هما الاثنين في اليوم ده
*بعد اسبوعين*
عٌمَر:خلاااص يا ماما انا جاي مش هتاخر مسافة الطريق
_.......
فريدة:هو يوم اسود من اوله شنطي اتسرقت تليفوني عااااا ...كويس ان الفيزا كارت في جيبي انا هسحب فلوس عشان ما اتاخرش علي اول يوم شغل
عٌمَر في الطريق ومرة وحدة عربيته عطلت
عٌمَر:انا صاحي مش متفائل اصلا ودلوقتي كملت والعربية عطلت اعمل ايه دلوقتي هو يوم اسود
عٌمَر مشي عشان يوقف تاكسي وفي نفس الوقت فريده بتدور علي تاكسي والاتنين وقفو التاكسي سوي وكل واحد منهم ركب من طرف
فريده:عفوا حضرتك انا اللي وقفت التاكسي الاول
عٌمَر: لا انا وقفته الاول ....انتي طلعتي منين بس يا ربي
فريده:لاء انا وقفته الاول ومعلش ياريت تنزل عشان هتاخر علي اول يوم شغل
عٌمَر:يا محاسن الصدف وانا هتأخر علي الاجتماع وهفلس الشركة
فريده:ياريت تتفضل يا استاذ تنزل وتخلي عندك ذوق
عٌمَر:ذوووووق؟!!!!
فريده:بيقولو السيدات اولا
عٌمَر:الله الله انتو بتطلبو المساواة بين الرجال والسيدات مالكم دلوقتي مش المفروض يكون فيه مساواة
سواق التاكسي:ما تخلصونا بقي
فريده:خليه ينزل وليك مني 10 جنيه زيادة
عٌمَر:بقي كده طب عند بقي ليك مني اجرة 500 جنيه اهو عند بقي
فريده:خمس...خمس..مية...جنيه
سواق التاكسي:اتفضلي يا آنسة لو سمحتي
فريده:بقي كده الفلوس عمتك ماشي
سواق التاكسي:معلش يا بنتي والله اكل العيش بقي
فريده:شكرا للانسانية (بدراما وكوميديا كده )
عٌمَر مبسوط كده وبيبص ليها نظرة الانتصار *حاكم هو شاب كده بيحب التحدي اوي ومش متعود علي الخسارة عٌمَر هو شاب عنده 27 سنة طويل بعضلات قمحاوي كده عنيه بتكون في البحر زراقاء وفي الغابة خضراء هو عنيه كده مميزة وفريدة من نوعها وشعره بني *
عٌمَر:بدينا اليوم مع حية حمراء بقي نعمل ايه *فريده بنوتة كيوت 20 سنة بشرتها بيضة جدا عينيها زرقاء شعرها احمر+هي محجبة بس عٌمَر قال حية حمراء عشان كانت لابسة احمر هو مش شاف شعرها*
فريده:هيجي يوم وانتقم منك يا مز انت *فريده ركبت تاكسي تاني ووصلت الشركة اللي هتشتغل فيها وكان القسم اللي هتشتغل فيه في الدور الرابع ركبت فريده الاسانسير واذا ب عٌمَر بيدخل الاسانسير *
عٌمَر:هي شغلانة بقي انتي تاني ايه اللي جابك هنا
فريده: الله ايه ده احنا هنتجوز في المستقبل
عٌمَر:افندم؟!!!!!!!
فريده:استني اصل بيحصل معانا زي اللي بيحصل في المسلسلات بالظبط ايوة زي مسلسل "الحب لا يفهم الكلام" بالظبط
عٌمَر:نعم يا اختي؟!!!
فريده:انت المدير صح متقوليش عرفتي ازاي اصل مراد كان المدير وبعيد عنك هو وحياة بردو اتخانقو علي تاكسي وبعدين اتقابلو في الاسانسير واتخانقو وهو كان المدير ف اكيد انت المدير صح
عٌمَر:انتي متاكدة انك بتتكلمي عربي صح اصل مفهمتش حاجة!!!
فريده:بقولك احنا هنحب بعض وهنتجوز في المستقبل
عٌمَر:لاء وربنا مجنونة مدير مين وبتاع مين انتي بتحلمي صح
فريده:يعني انت مش المدير عااااا
عٌمَر:بسخرية ايوة انا مش المدير بس ....
فريده: لا بس ولا حاجة اسكت خالص اوعي تاخد عليا انا فكرت نفسي هعيش قصة حب رومانسية زي المسلسلات
عٌمَر:بجد همووووت مش قادر دانتي طلعتي بلوة
117 views.nooor, 19:21