الشاعر محمد تقي الزاملي

2022-08-02 05:23:45 نَزَلَ الصِمصام فيِهمْ دق ناقوس الخطرْ
كل ما زاد الضِراب اشتدْ في الخصم الكدرْْ
صوتهُ زلزال اصبح شق نصفيٍ البشرْ

بزنوده حميه وغيره
يسمونه امير الديره
بجفوفه الوجود يديره
التصعب ع جفه زغيره

هله بعم سكينه ..عباس
فزع بس لحسينه ..عباس
ولجله قدم عينه ..عباس

قمر العشيره نافذ البصيره ابا الفضل


بَرزَ لَيثُ الكتائب اَرعبَ الخصم الخبرْ
بَرَزَ العباس فيهمْ خبر الخوف انتشرْ
سيفهُ العاداهُ يهلك كل من عادى اندثرْ

راعبهم بلحرب بتاره
من فكر يشن الغاره
يتخير بلمغاره كباره
خلاهه الزلم محتاره

صال بجه خصومه ..عباس
الضرب حل يومه ..عباس
شال بيده الحومه ..عباس

قمر العشيره نافذ البصيره ابا الفضل


كافلُ سِتر العقائل حاميِ أصلاب الشرفْ
حسنهٌ فوق الجمالي زادهو طيب وترفْ
وبهٍ الموت تجلا هيبة الرَبِ انعرف

من خده تضوي الكمره
بعيونه حنان الزهره
ياكافل عفاف العتره
من حيدر خذت هلشمره

بدوي وابن الساده ..عباس
وشحلات اعناده ...عباس
غيره تدوي افاده ..عباس

قمر العشيره نافذ البصيره ابا الفضل


ابنٌ فراس الملاحم ظَيغمْ الحرب نزلْ
ابنٌ من فيِه تجلة رحمةْ الباريِ ارتجلْ
أنهٌ العباس قادم سَيِد الحربِ البطلْ

يمعدل يساقي اعياله
من ينزل فنه حد يدناله
امعتبر منهو يدنه خياله
مايسلم اليصير اكباله

شارته بجفوفه ...عباس
خله بيهم خوفه ...عباس
عاشك انه حروفه ...عباس

قمر العشيره نافذ البصيره ابا الفضل



محمد تقي الزاملي باز کردن / نظر دهید

2022-07-26 04:25:31 يازلم الحرب يافارس وحيد
بكلب العسكر انته اصول واتريد
اردود بصولتك من ترجع تعيد
يا صكارها ويازلمة البيد

هلا يمبريد الكوم
هلا يازين العلوم
كفو منك يفراس
هلا يمكسر الخشوم



جبير ويمه كلشي ماله احساب
ابن حامي الجار وقالع الباب
هد ع اليعيل وهوه طلاب
الحك غصبن يجيبه ويكسر اركاب

هلا براعيها الثكال
هلا ياشيخ الرجال
ياابو فاضل يمغوار
يرعب خصمه لو صال



اذا مويمها لاتددنه للاكبار
الحار بطبعه لازم يهوه للحار
خوزر ويلي وبعينه جدح نار
وحتارو الكوم امنين معبار

يخلاس الصناديد
يلمرجف العرابيد
كفو راعي الملمات
بخزرة عين تصيد



هزبر انته يمخوف الجحاجيح
بخزرة عينك انته اشوارب اطيح
يلترعب اذا بخصومك اتصيح
يلبصيحتك انته محرك الريح

هلا يمرجف السباع
هلا يازين الطباع
هلا يلوكت الزماط
برجلك تخسف الكاع



يمجفل العساكر يوم هديت
تاهه اعليهم المشراد من جيت
هلا يلطاري اسمك عابر الصيت
هلا بعباسنه بكل صوتي ناديت

هلا بريالهه الحوك
خورس كل الحلوك
فنه اليكرب احذا
يموت وموش مطكوك



عيه بكربله وضهضابه صارت غاد
من كالو كمر هاشم عليهم هاد
صد ابعينه واللاحه كبل باد
ادخيل خزرة عينه ابن سبع الشداد

بلنص طب والاصفاح
حته الشارد اللاح
كل العسكر ارتاب
يويلي صوته من صاح


محمد تقي الزاملي باز کردن / نظر دهید

2022-07-22 00:59:49 ياعجيد الكوم حل وكت النزال
يارفيج السيف حل ميعادها
انته مايبعد ع جفوفك بعيد
بلكنيص انته تعرف مطرادها

يطك بيها يطك بيها
ينكس كل معاليها
يركب خيلها اعليها.. ابو فاضل



هلا ب ابني اليستلذ وكت الحروب
هلا ب ابني اليطرب ويعنادها
هلا بريال الملاحم والثكال
وين مايبعد عليه يصطادها

هلا بصيده هلا بصيده
ولدي والحرب عيده
غيره اتفور باوريده.. ابو فاضل



صول يبن ام البنين وكل اخوك
اليوم اضيع ع الزلم مشرادها
انه ابن الي قلع خيبر واخوي
ذاك هوه البضيافه ستادها

كفو وكدها كفو وكدها
ارسم للزلم حدها
دوس اكبر خشم عدها .. ابو فاضل



ياربا البدويه ياابن الفحول
انته اساس المرجله واوتادها
يارجيح العكلي يامن في الضراب
مايهمه شماتزود اعدادها

الف شارد الف شارد
اريدن مايضل واحد
اعرفك حار مو بارد .. ابو فاضل



يبن شاهين الحروب الضيغمِ
ياربيب الزود ياابن الفحول
يبن من دانا دنوآ واعتلا
بين قوسين دنا من الوصول

يبن حيدر يبن حيدر
هناك ابكربله اتبختر
سويها الزلم معبر  .. ابو فاضل



يبن من حار بهِ الواصفين
يبن من حارت بهِ كل العقول
ربك الخالق وضع بيك المحال
بلوصف وياك نحتار شنكول

كفو الكافل كفو الكافل
حي الله ابو فاضل
بوصفه يحير كل قائل.. ابو فاضل



محمد تقي الزاملي باز کردن / نظر دهید

2022-07-19 05:56:13 السلام ع علي ابن موسى الرضا المرتضى



كلشي موسم وينمل
بس حبك يدوم انته
وصدك هنيالي من اندل
حبك بلكلب شفته

كل ما اصفن انه الكلبي اذكر
وكتي البي جنت يم بابك اتبختر
لجن هسه البعد طب بينك وبيني
هسه ع الزياره كمت انه اتحسر

يمته بحسره وشوك اجي،،، ابابك اني
بمعصومتكم انه ارتجي، ،،، كافي اتاني

.....
حرت بشوكي للسلطان
وي دمعي العليه انهد
لا انه الحاضي بلنسيان
ولا انه الواصل لمشهد

عله بكلبي صارت شوفت الكبه
وانه ادري اليحبك انته التحبه
بعد ماابيه اناطر حيل مابيه
يمته بصحنك اكعد واقره بلندبه

جايمته تخلص هل محن ،،، وليك اروحن
شتاكيت الايامي المضن ،،، راح اموتن

......
شوك يسولفه الوجدان
اه يافركتج ياطوس
انه المغرم الولهان
وبعشك الرضا مهوس

يحدي الشوك بيه الحضرتك ونعه
كلت بطيف بلكي لمشهدك اسعه
اليسهر ليله شوكه يفضحه من يلتم
ماتطفي المجمر طيحت الدمعه

ادموعي النزلن ماطفن، ،، نار شوكي
يمته بصوت اصرخ كضن، ،، وبيدي طوكي

....
مابيه بعد هجران
تكتل فركتك تكتل
ليمته اتشعوط بنيران
هجرك بعد مااحمل

هجرك يكتل ومابيه ع الغربه
كل زاير يجيلك عيني اله تربه
واكولن يمته اسمي ينكتب زاير
واجي بلهفت مجاهد رايح لحربه

بلوعة كلبي والحزن، ،،،، ليك اسافر
وامتاعي الدمعه من اون، ،،،، وكسر خاطر



محمد تقي الزاملي باز کردن / نظر دهید

2022-07-19 05:56:13 شكثر مر بيه العشك وشكد عفت
لجن من حبك ابد لا ماشفت
جنت لااهي بحب وانه ادري جذب
كلت وين بياوحل غايص جنت

واتندمت ع الي جره، ،،،،، وجيت بدمع اتوسلك
جيه ملتهي بغيرك جنت، ،،،، ومافرغت نفسي الك
دخيلك اجيتك سيدي، ،،،، بشباجك اعكدني علك

ياملجئ اجروح العبد
شماابعد لبابك ارد
واصرخ يمولاي انوجد



اذكر اول مادخلت المجلسك
شفت كل الناس تبجي لمحبسك
محد يفكر يدقق بلعدد
شفت كل البلعزاء يتنفسك

اذكر اول مابجت، ،،،،،، عيني شفت نورك سطع
كل عمري مانسها ابد، ،،،،، هلموقف ابالي طبع
ماجان ترتيب وشكل، ،،،،، بذكر اسمك الكل انفجع

فطرت كبل تسوه الذهب
والعاشك ابوجها انكتب
لحسين يحلالي التعب



بلادرايه ولا دراسه ولا فهم
حبك بكلبي بعث كل العلم
نورت كلبي وشلتني من العدم
علمتني اشلون اصير من الزلم

يحسين ممنون اني الك. ،،،،،، بس مدت اجفوفك صدك
من عدها انه اتعلمت. ،،،،،،، الكسره الك باب العشك
وبس انته بلدنيه الذي. ،،،،،، التسوه لجلك احترك

حلوه الحياة بخدمتك
من اقره وانعه مصيبتك
وينكسر كلبي الكسرتك



سهله صارت عندي انسه من الجم
هينه كل شده التمرني ماأهم
مصيبة حسين العجيبه الهونت
كل مصايب من تمر ماانثلم

سهله المصايب والمحن. ،،،،، بس صعبه لو جف الدمع
كل اليمر فترت زمن.    ،،،،،، يعبر يصير بلا نفع
بس صعبه لو رد الضعن. ،،،،، وبلطمي ما موجع ضلع

زحمه من ارد ابلا جرح
من اسمع الراس ابرمح
كل لحضه كون انه انذبح



محمد تقي الزاملي باز کردن / نظر دهید

2022-07-04 02:04:33 الحمد ل الله ابجي وانعيلك
ومن تضيج اشكيلك
وكل مصباح ابجيلك حبيبي



الحمد ل الله بخدمتك يااخو عباسي
بفضلك سيدي ضل مرتفع راسي
والي محفوض هيبه وقدري يم ناسي
وصبح اسمي حسيني وعالي نوماسي

بخدمتك ماادور اشكال
وماهمني الحجه والكال
تبين اليخدم الافعال حبيبي

................

الحمد ل الله لمصابك دمعتي مدرار
وجم صوره الك وسط العزه تذكار
من اشوفك عيني تهمل والعقل يحتار
جبينك للعباده وموش مال احجار

واذبن ثوبي واتهدل
وخدي بدمعي يتبلل
حلوه من ابجي واتعلعل حبيبي

..................

حنانك دايم شيحصيه افضالك
انه الماواصل اسمك موش افعالك
بله شيسوه عمري بلا بجي اعيالك
يصبح عمره نزوه المابجه اطفالك

الحمد ل الله عبد صاير
وكل مجلس الك حاضر
واعيش بغربه بلعاشر حبيبي

...............

جرحك بيه عاش وسحكت متونك
وين الكه اليشبهك والمثل لونك
من اشوفن صورتك اصفن ع عيونك
موقف زينب اذكر لمت اسنونك

من طك النذل راسك
دخن راسه عباسك
ولمت زينب اضراسك حبيبي

...........

على جرحك انوحن وابجي لهمومك
مايبرد جمر وسط الكلب يومك
ليش موذر وفوك الترب نومك
يلساترني شو سلبوهن هدومك

سلبو جسمك وسحكوك
الماعدهم رحم ذبحوك
ومن ماي العذب منعوك حبيبي



محمد تقي الزاملي باز کردن / نظر دهید

2022-07-03 01:00:25 سيتم نشر بقية البرنامج من قصائد العشره الاوله من محرم ان شاء الله باز کردن / نظر دهید

2022-07-03 00:46:28 مولاتي الزهراء س و الخدام


اجيت ودمعتي بعيوني هماله
انعى وليدي والي صاير بحاله
الطم ع وليدي الكسرو اضلوعه
انوحن ع الداست جسمه خياله
واحسينا
وين الي يعزيني ويواسيني
إنه الزهره اجيت ودمعتي بعيني
وين الي يدك صدره ع وليدي
وين المنكسر كلبه ع حسيني
واحسينا
ها يااهل المجالس يهل المروه
وين الي يصير اليله الي تجوه
وين الي يواسيني ع مصابي
إنه مكسور ضلعي امشي وتلوه
واحسينا
ها يااهل الطم وين اليشد حيله
وينه الي يون أنهارها وي ليله
ابني حسين عاري باقي بلبيده
مكطع وصله وصله جفن ميشيله
واحسينا
وحيد هناك ضل وليدي بلحومه
متغير اهواي وذابله ارسومه
صريع ع الثره وينازع بروحه
ضامي بكربله ومسلبه اهدومه
واحسينا
فزعه اليله جايه وطالبه منكم
ياهو اليفرحني اليله من عدكم
ياهوه البلطم كل حيله يتهدم
واذا نشفت الدمعه بدمعي اچملكم
واحسينا


محمد تقي الزاملي باز کردن / نظر دهید

2022-07-03 00:45:05 (دين العزاء)


دين العزاء ..اصله البكاء
بيها الخضوع..يدفع بلاء
....................
نهوه البواجي ودمع المجالس
وغير اليحبك لا مانجالس
كل امنيتنه رضاك

خيمت عزائك بيه انه حارس
جنون بعزائك علمنه عابس
اصرخ يضامي بحماك

شمحله عمرنه يخلص نحيب
للباقي عاري جسمه تريب
تحله البواجي اذا ع الغريب
تشفه جروحي وبسمه تطيب

المعشوكه عاري..بذيج الصحاري
مايشفه جرحه ساعه ويهيد
شمايبعد اكثر..بدمعاته يعثر
تحي دموعه ويردلك جديد

اليعشك ثراك...بكلشي نخاك
يبقه غريب...اليترك هواك
....................
نهوه العزه من الله خلقنه
مانهوه غيرك بيك انعرفنه
مانلكه مثلك حبيب

العاش بمصابك دلاله يقره
سكنه ورقيه لاحته جمره
وزينب غريبه عجيب

العاش المصيبه ينوح الدلال
اليعيش بخرابه يضل بس خيال
اليبجي بخلاء يعرف الحبال
شسوت يويلي بدين العيال

الازم جمرته..تكبر حسرته
ويتمنه موته يصير بعزاء
العاشكله خيمه.. ويبجي يتيمه
جروح الي عنده تبجي السماء

اليبجي الضعون...يعمي عيون
يعيش المصاب...ويبقه بجنون
......................
الطخ راسه يمك راسه رفعته
الطش روحه يمك بيدك جمعته
وعيشته انته بهواك

ادم نخاك وذنبه غفرته
ياقابل الحر اقبل عبرته
كلمن نخاك وبجاك

عيسى المصابك يشك الثياب
ومريم حزينه تهيل التراب
وصوت البواجي يزيد العذاب
من تبجي حرمه يزود المصاب

الرايد نجاته ..بأخر حياته
يتعنه يمك يصب الدموع
لو مارحمتك..وخيمة خدمتك
تبقه الخليقه بلايه خشوع

اطلب رضاك....مالي سواك
خادم مطيع....امشي بخطاك
.....................
كلشي نعوفه اله خدمتك
يلعيشتنه بخيمة رحمتك
لجلك نعيش بنحيب

كلشي نعوفه اله عزائك
ماهمنه كلشي بس رضائك
يلباقي جسمك سليب

يخلص عمرنه نياح وعويل
للباقي ضعنه بلايه كفيل
تمشي عياله ع الهزيل
ضعن الشهامه كفيله عليل

جمره بدليلي.. اصرخ يويلي
ع الغبره ضامي تدوسه الخيول
حبيبي عاري ..بذيج الصحاري
وكادو عياله بزجر وطبول

عالي النحيب....ضامي الحبيب
مات بضماه .....هذه العجيب


محمد تقي الزاملي باز کردن / نظر دهید

2022-07-03 00:41:32 ل استقبال شهر محرم

بدموعي استقبل شهر..حزني ومصابي
انصب عزاء المنذبح .. وابقه بعذابي

كل حيلي اطلبه من الكمر
وادموعي من اخت الرضه
وابقه بعذابات وسهر
ومن فاطمه اطلب رضه

من ام البنين اتعلم
كلب اليحب يثلم

ياالله بلغنى محرم بلدمع

انصب عزاء بكل وكت ... ودموعي تجري
مشتاكه اديه الخدمتك ... وبحالي تدري

خليني الك دمعه اهل
ورايد اعيش انه بهضم
كون بمحرم ماامل
من البجي ومن الطم

كرب هلال محرم
كلب اليحب يثلم

ياالله بلغنى محرم بلدمع

وي روحي اسولف والحزن .. مالك كياني
ياسيد الحب والدمع ... حزنك سباني

وداني يم حرك الخيم
وخلاني اهيم بعالمك
ثاري اليحب راعي العلم
يصبح حقيقه بنادمك

وي روحي جاي اتكلم
كلب اليحب يثلم

يالله بلغنى محرم بلدمع

العاشك ضعن راح بسبي ..ماتطفه ناره
ينعه امامه بكل وكت .. ياخذله ثاره

الله يعينه المنتضر
دمعه فلا ينشف ابد
يوميه تنعاد الصور
هزله وحبل حيله نخمد

كل ساعه ضل يتئلم
كلب اليحب يثلم

ياالله بلغنه محرم بلدمع



محمد تقي الزاملي باز کردن / نظر دهید