الحياة تريد منك تكون شاطر ، سعید ، منتج ، ب احسن ۸ ساعات اطلال | نشرَوان للشّابِ الجامعي
الحياة تريد منك تكون شاطر ، سعید ، منتج ، ب احسن ۸ ساعات اطلالة ، بار بوالديك ، ملتزم بالدايت و الجم ، ملتزم بالشغل، تنام باليوم و تكعد تسوي سكن كير كل يوم الصبح و بالليل و تعتني بالنباتات حت متموت و متنسی تنطي اكل للطيور و القطط و الکلاب و متنسی تنظف غرفتك و ترتب كلشي شي و اكيد لازم هم متنسى تخلي وقت لتثقيف الذات و القراءة و الاطلاع واكيد وقت للدراسة ووقت لاصدقاء الي اذا ما سألت حيزعلون عليك لذلك تضطر انك تطلع دائماً ب احسن صورة كدام غيرك، حت لو جانت مزيفة.
الحياة المودرن هذي دتستهلك من عدنا هواي بدون مندري ، لانه عقلنا ما مصمم بايلوجيا لهيج نوع من الحياة ، دتساب منا طاقتنا حت نرضي الآخرين و نحقق احسن صورة عن الذات بالمجتمع و المحيط، لتنسى انك متكدر تسوي كلشي دائماً ، كن رحيم مع ذاتك ، انطي لنفسك وقت ، اشتغل ع نفسك بس لياخذك الغرور بالاعتقاد انه شغلك هو كل حياتك. حياتك اكبر و اهم من هيج ، حياتك رحلة ويا ذاتك بالمقام الاول ، انطي لنفسك حقها.
