2022-02-18 11:17:36
من تفكر بشي .. من تريد تخطط لشي .. من تريد تحل مشكلة
اول فكرة .. اول خطة .. اول حل يجي ببالك كلش خطر ولازم تهمله وتخلي على صفحة وتفكر بغيره
حتى تكون اكثر ابداع وانتاج وتفكر بافكار جديدة وخلاقة لازم تتجنب اول فكرة وحل يجي ببالك
التزامك واعجابك باول فكرة تجي ببالك يمنع دماغك من التفكير بعشرات الافكار الثانية الي ممكن تجي ببالك بس شوي تفكر زايد
هاي هواي تصير بامتحانات الرياضيات والفيزيا.. اتذكر من بالامتحان يجي اول حل وطريقة تفكير براسي وحتى لو جانت غلط اقفل عليها وما اكدر افكر بغيرها
وتحتاج تمرين ذهني حتى تتجاهل وتتجنب الخطة والفكرة الاولى
هواي تصير بحياتنا اليومية اذا تتخيل مواقف مار بيها قبل .. عندك مشكلة ما تعرف تحلها يوم كامل وبمجرد تستشير صديق راسا ينطيك حل تحس بالغباء شلون ما اجه ببالك
بس حشاك انت مو غبي
الموضوع مو موضوع ذكاء .. الموضوع نفسي
اكو ظاهرة نفسية اسمها Einstellung Effect
دراسة سووها على مجموعة لاعبي شطرنج .. الدراسة تكول ان نسبة جدا عالية من اللاعبين بمجرد تميل عينه على التفكير بحركة معينة بعد صعب يتجنب التفكير بحركة ثانية
هذا الميل الطبيعي للتعلق بالغكرة والحل الاول اسمه تأثير اينشتلونك: من تخطر اول فكرة بالك , العقل يفرح بيها ويتعاجز يفكر بغيرها ويعطي اشعارات ان ( يلا شباب انحلت وخل ناخذ استراحة من التفكير فد تلث ساعات)
من العقل يسوي روحه بطل ويكتشف اول حل .. اول حل دائما سهل وسريع ويعطي احساس حلو بالذكاء.. بس للاسف يمنع التفكير بهواي حلول ثانية ممكن تكون اكثر فائدة
شلون نتجنب هاي المشكلة؟
اول شي تدرب نفسك ذهنيا ونفسيا ان تتجاهل الحل الاول.. تكتبه وتخلي على صفحة وتضل تفكر بحلول ومقترحات اضافية
2. اسأل واستشير دائما وتقبل الاراء الثانية .. وتعلم على بيئة تفكير ترحب وتشجع على العصف الذهني وتنويع الافكار
#ما_لم_يقله_لقمان_لابنه
د. علي جليل
18 viewsزَهراء فيِاضّ عُمَير, 08:17
ن
