ويه شعب قافل مثل العراقي لا تتأمل يجيك واحد علماني بحزب علمان | Shabakty
ويه شعب قافل مثل العراقي لا تتأمل يجيك واحد علماني بحزب علماني بجمهور علماني ويصعد للحكومة شيل هذه فكرة من بالك شيل فكرة ان واحد من نفسك فكرك يجي ضد هالشعب ويصعد عادي.. بصيص الامل الوحيد هو حركة سياسية ذكية قذرة مثل اللي سواها الرئيس التونسي الحالي
أجه دخل ويه السلفيين وصعد حكم براس قوائم المتشددين وراها لزم حكم واختلف عليهم سقط الحكومة واعلن حكومة علمانية جديدة ولحد الان العالم منصدم بالحركة هاي. مجرد اكتب بالبحث عن اخبار الرئيس التونسي قيس سعيد وتابع الاحداث صارت حتى تعرف تفاصيل اكثر.
لهذه اخذها بصريح العبارة لا تتأمل شيء من مجموعة صاعدة بالسياسة باسم "علمانية" او أي شي مثلها ينطيك امل بالحكومة قادمة او بيهم انهم يسوولك مستقبل مشرق ويرجعولك حقك "بالديمقراطية" لا توهم نفسك واشتغل على طفرتك لانهم بالنهاية رح يضطرون يسوون العكس تماماً من اجل مصالحهم ودتشوف بنفسك شون امالك دتتحطم واحد واحد يطفر ويبيع نفسه بالحقيقة هو ما غلطان لان الطلي اللي مثلك هو اللي صعده ومنتظر منه يسويله المعجزات انت المرشح لو طلب منك تبرعات لحملته الانتخابية ماجان احد كَلبه بينما هو هذه المفروض يكون مو العكس لما يصير العكس ف هو استثمار لا اكثر وانت استثمارك بالحكومة هو دم فقط ودمك رخيص بينما الميليشا والدول والأحزاب كل واحد بيهم مستثمر ملايين الدولارات وشكَد ماجان صاحبك المصعدة شريف ف بالنهاية من يشوف الهدايا والفلوس والربح وحلاوة الحياة بوقتها يفهم اللعبة شون تصير ويضطر يبيعك ويبدي يلعب وياك سياسة الامل مثل البقية.
