2021-05-29 00:33:14
للمعلومة: نتفليكس, سبوتفاي, ستيم, أبل ايدي, يوتيوب, الخ..
كل هذه الحسابات حسب شروط الخدمة ممنوع ترجع تبيعها باي طريقة كانت بخلاف ذلك صاحب الحساب القانوني "اول من انشاء الحساب" بعد اثبات ملكيته لو انت حساب يمك عشرة سنين ومغير كل معلوماته يكَدر يرجعه بمراسلة سبورت واثبات انه اول من يملك الحساب عن طريق ذكر اسم جهاز, معلومات بطاقة, تفاصيل حساب الاولية.
لذلك اي عمليات بيع تصير لهيج خدمات لو يجي رـBـك لا يفيدك ادمن وسيط ولا وسيط موثوق ولا على حب لله. لان حتى لو اخذت حساب ودفعت فلوسه ف صاحبه الاصلي لو فكر يرجعه يكَدر يرجعه باي لحظة.
هذه تحذير لان هواية ناس ينصب عليهم خطية وميعرفون شنو سالفة من يطير منهم الحساب المشتري سواء للستيم او غيره من خدمات.. لهذه سبب قرأة شروط الخدمة لخدمات انت تستخدمها طول عمرك مارح يكون غباء بل ذكاء..
أحدى مشاريع البلاك هات بالمنتديات رغم اني ماحب العاب لكن مرة اطلعت على Ebook لسكامرية الالعاب مختصره انه يسوولهم حسابات العاب فد 10 15 حساب يصرفون عليه فلوس مرتبة ويجي يبيعه بلماركيتات G2G وغيرها موثقة بحسابات وهمية ويبيع حسابات بشكل اصولي يمر عالموضوع فترة يرجع حسابات بكل سلاسة عن طريق المعلومات الاصلية او الاولية اللي سوة بيها الحساب اكو عدد محاولات معينة وفترة زمنية بين كل فترة وفترة يمشون عليها بحيث يبين انه فعلاً انسرق وديرجعه.. ويرجع يبيعها بنفس الطريقة وهكذا..
لذلك اي واحد يكلك تعال صير وسيط بحساب ستيم او العاب او مدري شنو تاكد من شروط الخدمة لان بهيج حالات الوسيط هو اللي يتحمل اتعاب الخسارة اللي تصير جراء نصب احد الطرفيين لهذه سبب من حق الوسيط ياخذ 3% من الطرفيين حسب قانون المنتديات.
احنا بالـ الوكيل العربي - Arab Reseller بالاشتراكات المشتركة منخاف احد يخمط حساب ويطفر لان ب5 دقايق نكدر نرجعه من سبورت كون كل معلومات اللي نسوي بيها حسابات مسجلة مسبقاً بل نكَدر ناخذ معلومات الشخص اللي سرق حساب مثل IP خاص بيه السبورت رح يشاركها وياك بكل سلاسة وهنا انت حتى تنتقم من هيج نماذج كل اللي عليك تنشر كل معلومات تحصلها ضمن موضوع حجينا عنه سابقاً جريدة طويلة عن الـدوكسنكَ.
#اناشجرة #Privacy
308 viewsADMIN, 21:33