2021-10-04 03:30:54
أولاً للمرة الأخيرة لحد يراسل Hkبوكس لأنه مربوط ببوت وبيه الاف مشتركين اكثر من معجبين صفحة ف احنا منستلم أي شيء ورسائل ترسلوها كلها تروح للرد تلقائي الا بالصدف افوت للإشعارات اشوف رسائل بالواجهة فقط.
ثانياً شفت بالصدفة اكثر من شاب طالبين "تزكية عن تجربة" لمعالج نفسي او طبيب نفسي "اونلاين" اللي يعرف احد لطفاً منكم يكتب اسمه او يحچي تجربته وياه "بدون صديقي كال او فلان كال" يفضل تجارب شخصية فقط واكيد موضوع حساس فاللي يستحي يذكر تجارب شخصية يدزه لبوت تيليكَرام @IRAKI_BOT ويه تجربته واكيد هو دينقذ حياة ناس لان جماعة حسب وصف واحد منهم فايت ب لفل "انطفئت ولله انطفيت "
نصيحتي للشباب بما انهم راسلوني:
- جماعة اقرأ قران وانجيل وروح لشيخ فلان ومدري شنو رح ترتاح غلس عليهم ذولة جماعة كوبي بيست خلي هالامور تفيدهم بس الهم انت كللهم اني محتاج طب وبشري يساعدني وليس كتابات على ورق او رجل دين "او وافق خلي يدزولك لملا علي يصلخك كم راشدي كَدام كامرة ويتفل بحلكَكَ #J4F".
- جماعة صديقي/كَرايبي/اعرف ولد مجرب فلان دكتور غلس عليهم هالاختصاص ماكو شاب يتباها انه رايحله ف عالغلب ديروجوله واذا كان شخص نفسه ديستحي يكلك اني ف ديكول صديقي ف يكدر يراسلك بلخاص او برايفت اذا صدك يريد يفيدك.
- اذا تحب احد يسمعلك ويدخل بحياتك شخصية ويحلل سلوكياتك وسوالفك ف كَول "اريد معالج نفسي" اما اذا تحس نفسك محتاج مساعدة طبية او مساعدة سحرية ف بوجهك على الطبيب نفسي مباشرتاً (واكيد همه يحولوك حسب حالتك لكن اني دانطيك وجهة نظر #تحريات_كلب اختصاراً للصرفيات)
- اذا تدور تزكية ف اطلب تجارب بالبداية لا تطلب أسماء بعدها اطلب اسم من الشخص نفسه والشخص هذه اذا جابك للطبيب من طرفك رح يحصل كومشن $$ او تخفيض على حسابه ويه عيادة دكتور ف لا عبالك دتطلب بلاش بفلوسك دتطلب لا تستحي ولا تكون ضعيف بطلب المساعدة.
- الشخص الانت رايحلة شغلته انه يسمعلك ويحللك ويخليك توصل لنتيجة انت راضي بيها.. باختصار انت رايح تحجي وياه قصة انت بطلها وبس وهو هذه الشيء اللي كل شخص يحلم بيه شخص يسمعلك ويركز وياك ويناقشك عن حياتك وافكارك وتجاربك بدون خوف ويحاول يعدل سلوكياتك ويخليك اقوى وتملك شخصية صلبة مثل ما انت كشاب تشوف ضروري تبني عضلاتك او جسمك ف شخصيتك اذا ماتبنيها حط عضلاتك بطيزك.
- تعرف بكل مكان اكو واسطات حتى بالطب ف بطريقة غير مباشرة او بشقة كله انك عرفته من خلال بيج مهتمين بهالمجال يتابعة 100 الف متابع وان ابو بيج طلب منك تشارك نتائج علاجك وياهم حتى يستفيدون منك دوقتور.. هنا تلقائياً رح يداريك بدون واسطة لان هو ديشوف كَدامه اعلان ل100 الف مستهدف بلاش اذا ذبلك جهد اكثر واذا طلب اسم بيج أهرب لا جذب عادتا هو حتى يكسبك رح يفتح وياك مواضيعك يومية مثلا تجي تشوف احنا شناشرين موضوع وضل ببالك انت الريدي رح تناقشه وياه لانه رح يتطفل بحياتك وهذه هو شغلة انت الريدي رح تكله وين كضيت وقتك وهو اكيد بقرأة مثل هيج جريدة وافتح موضوع وياه اذا عجبه نقاش تعال جيبه لهنا خلنتمالخ وياه بلكت نعجبه ونكسبة صديق.
- الدكتور بشري همين ممكن يغلط ممكن يكون مو زين ممكن يكون هو عنده ثوابت نتيجة لانه عايش بالمجتمع اللي كلنا نورث ثوابته ف انت هنا اذا شفت ماكو كونكشن بينكم او ماكو تحسن بحالتك اطفر دور على غيره لطفا من ربك لا تجرب دكتور واحد وتكول بعدين الطب ماساعدني دور غيره ولا تستخصر فلوس رح تصرفها انت اذا اتعالجت وحليت مشاكلك هاي فلوس جوة نعالك تجيبها وتجيب ابو ابوها.
بالنهاية الجوكرية يكَولون "There is no problem in seeking help, do not hesitate to ask for it." اذا كَوكَل مافادك وكَروبات الدعم نفسي مافادتك ف اتوكل عدل وكَبل للطب وبلمناسبة خلي اجفصلك شغلة بكَلبي.. اني مو ضد انك تنهي حياتك بالعكس اني ماعندي مانع بشرط اذا كنت انسان مالكَيت اي حل بهالكوكب لمشكلتك غير انهاءها ف توكل بخلاف ذلك اني ضد انك تنهي حياتك على شيء تافه جدا وهو انك مجرد تستحي تسال او تستحي تكسر نفسك وتطلب المساعدة هذه شيء تافه جدا ورح تعرفه تافه لما تتجاوزه مادانطيك موتفيشن لكن صدكَني أنت كائن بشري عظيم فاقد لقيمتك فقط لانك بالعراق ف لا ترخص نفسك بموته تافهة انت أعظم من انك تموت موته مشكلتها مقلدة لكَولها حلول من زمان لكن الفرق انك مولود ببلد "خايس" "قذر" "معفن" يحكمه ناس قبلك عانوا من اجدادك وقرروا انهم يعيشون في سبيل ينتقمون منك انت مالك ذنب انت ومن اللي يجي بعدك دتدفعون ثمن غيرك لا اكثر ف العبها صح واوكَف على حيلك وافلت من هالزريبة انت أكبر واهم من كل شيء يخليك توصل لمرحلة انك تفكر تنهي حياتك.
#اناشجرة #العربي_الفاشل
128 viewsADMIN, 00:30
S
