2022-08-03 18:11:32
انقشع جو الشرور الملبد بالغيوم
واندحر مهزوم هارب على وجهه يهيم
وابتدا عصر الحقيقة يوضح كل يوم
ما خفي من جرم سلمان والحلف اللئيم
يخبر الي ما تعنى ولا شد العزوم
عن ضمير اسود من الليل واعوج من شريم
الجرايم له طبيعة وشدتها وسوم
ساقها في شعب الانصار والطارف غريم
في ثمان سنين عدوان والباطل يدوم
والدول خرساء وعمياء على الجرم العظيم
لين شلينا البنادق وقدمنا الرسوم
في سبيل الله وازكى السراط المستقيم
ما اشتريناها من اموالنا حتى تصوم
والمعابر في مخازينها مثل الجحيم
بل ترد الشر والموت ف الغازي يحوم
لا انهمت تحرق خلاياه والعظم الرميم
لين قام النصر الاكبر على العالم عموم
واخفقت قوة مريكا وسلمان الرجيم
كلما قمنا وجيشه من ايدينا يسوم
واستلم فاتورة الحرب والسحق الاليم
نندفع مثل البراكين في صد وهجوم
والمعارك تقلب الصبح كالليل البهيم
ما تعثرنا الشدايد ولا ضرب الرخوم
وان تقدمنا جعلنا العداء مثل الهشيم
فوق الاخطار العظيمة على ايدينا نعوم
والرعاية تكتنفنا من الباري الكريم
با نحث السعي في مرحلتنا والقدوم
ونطف بالبيت والركن الاسحم والحطيم
شاعر الاحرار ابو العباس
53 views15:11