2022-08-16 23:32:02
هذا الوداع باجر محُمد ينذبح
هذا الوداع قرأنه مرفوع برمح
الجان الرسول ايشمه باجر خضيب ابدمه
ـــــــــــــــــــــــ
هالليلة ليلة فاجعة – اعيال الحسين مروعه – واشلون بيهم باجر
لاخيمه تبقه ولاستر- يفتر عليهم بس شمر – واتصور الما صاير
الكعبة باجر تنهدم- ستر الله ما بين الزلم- ينسبي بيوم العاشر
باجر بناتك يا علي يتراكضن بالهيمه
لا كافل العدهن بعد لا بقت عدهن خيمه
ما ضل امان والناس غيرتهم تشح
ما ضل امان قرأنه مرفوع برمح
باب النجاة ورحمه باجر خضيب ابدمه
ـــــــــــــــــــــــ
كاعد حسين بخيمته – فارش احلامه بدمعته- والتمن بنياته
هالليلة يم حسين اجن- جنهن حمامات الصحن-دارن عليه ورداته
كل وحده عدها وياه حجي- مو مال ونات وبجي- يتمهن بنظراته
شمته اسكينه ابمنحره بيه ريحه من الزهره
كامت رقية وشبكته وكامت تبوس بنحره
اخر لقاء وياه حدهن للصبح
اخر لقاء قرأنه مرفوع برمح
والدنيا تصبح ظلمه باجر خضيب ابدمه
ـــــــــــــــــــــــ
زينب لخيمتهم اجت – شافتهن وياهن بجت- بنياته يمه التمن
هايه التشم بركبته – وذيج تبوسه بكصته – يا ناس جنهن يدرن
باجر يذبحونه الظهر- وبخيول ينداس الصدر-بس كون منه يشبعن
عطشان باجر ينذبح وايروعون ايتامه
لا اخو عنده ولا زلم وايفرهدون اخيامه
باجر ظلام كل لجمة باجر تنفتح
باجر ظلام قرانه مرفوع برمح
خيل وزلم ملتمه باجر خضيب ابدمه
ـــــــــــــــــــــــ
كعدت اكباله وحاجته- امن اعيونه رايح عرفته- والدمع كام يلالي
بنظرات اخته استفهمت- كل دمعة بعيونه حجت-وصيتج اعلى اطفالي
كالتله خويه امروتك- ما بيه حيل الفركتك- فدوه انه الك يالغالي
فدوه انه اروح لشيبتك وايامي كبل ايامك
اتمنى كبلك اندفن ولا اشوف حرك خيامك
ليلة مصاب بيها الدمع ما يمنسح
ليلة مصاب قرأنه مرفوع برمح
واعلى السبي متحزمه باجر خضيب ابدمه
ـــــــــــــــــــــــ
سلمت زينب للقدر- باجر تضل ابلا كمر- هذا العمر تاليه
باجر يذبحون النبي – وكل اهل بيته تنسبي- بها الفاجعة المرويه
لمت النسوان البقن- كالت بناتي اتحضرن – لا تجزع المسبية
باجر اذا رحنه بسبي من ينذبح والينه
اخذن امن جروحي صبر لا عدو يشمت بينه
هذا البلاء والدمع مفتاح الجرح
هذ البلاء قرانه مرفوع برمح
لا عظم صاحب بجسمه باجر خضيب ابدمه
ـــــــــــــــ
ابو باقر الساعدي
596 viewsالشاعر نعيم الساعدي, 20:32
ق
