2022-06-07 20:00:51
"کیم لرگلیب، کیم لرگئدیب دونیادان"
نئجه اولدی خاقانلار، خانلار،پاشالار
آصلانسیز ، اسدسیز قالان مئشه لر
قیزیلدان قومرولی هازار پئشه لر
کیم لرگلیب، کیم لرگئدیب دونیادان
کوراوغلی دا گئتدی، نئجه اولدی نبی
گمیچی نی یوخوباسدی قارغ اولدی گمی
حضرت سولیمان داگئتدی، داود نبی
کیم لرگلیب، کیم لرگئدیب دونیادان
کیخسرو داگئتدی، گئتدی کی قباد
اسکندر مقدونی سنده اولمادی دلشاد
نمرودون قالاسین ایله دون برباد
کیم لرگلیب، کیم لرگئدیب دونیادان
فرعونی، شددادی ائتدون حمایت
ظولوم حددن آشدی اولدی نهایت
موسی یه عيسی یه گوندردون آیت
کیم لرگلیب، کیم لرگئدیب دونیادان
ابراهیمه صحوف، داوده زبور
چوخلار منم دئدی اولمادی منصور
نییه سن دیین اولور من دیین اولمور
کیم لرگلیب، کیم لرگئدیب دونیادان
باسدیلار، کسدیلر ائتدی لر غارت
همشه ظالیم نن ائتدون حمایت
هامینین بوینینا قویورسان میننت
کیم لرگلیب، کیم لرگئدیب دونیادان
کاسیبا یوخسولا گولمه دی اوزون
نئیدون نئیسن دئمدون دوزون
یاخشیلیق ائدنین ایتیردون دوزون
کیم لرگلیب، کیم لرگئدیب دونیادان
حاج علی دیاردوست مغانلو.تنکابن
۱۴۰۱.۳.۱۶
داغیتدین تیفاقین...
هئچ کسین صبحه تک یانمیر چیراغی
یاپیشدون الینن چیخدی قیراغی
الینه وئردین بیر ایری اوراغی
داغیتدین تیفاقین داغیتدین دونیا
اوزینه داری بیچنین آغریدی قارنی
منم دیین لرین اوولدی بورنی
اوجاقی یانانین دا داغیتدین قورونی
داغیتدین تیفاقین داغیتدین دونیا
سنده نفس چکمه گه اولمادی ایمکان
هرگون بیرطرفده توکدون ناحاق قان
ال بیر اولوب سنن نانجیب شیطان
داغیتدین تیفاقین داغیتدین دونیا
بیرطرف جنگی دی،قتلیدی غارات
بیر طرف بزلیدی، بخشیشدی بارات
بیری نین الینده اینجیلدی تورات
داغیتدین تیفاقین داغیتدین دونیا
اسکندر دونیانی مسخر ائتدی
یاندیردی، اولدیردی گورنه لر ائتدی
گئدنده دونیادان الی بوش گئتدی
داغیتدین تیفاقین داغیتدین دونیا
بیری نه سویله دین یالانان قیصصه
بیری نین جیبینه دولدیردین پوسته
بئشین اندیردین، بیرین قالدیرین اوسته
داغیتدین تیفاقین داغیتدین دونیا
سنه بئل باغلی یان بختیار اولماز
بختیار اولسا دا ، بختی یار اولماز
چوخلار شهریاردی، شهریار اولماز
داغیتدین تیفاقین داغیتدین دونیا
"علی "گیلیلی دی دایمن سنن
بوگونون بد گلیر نیه دونن
بوتون سوت امنین ، سنین سینه نن
داغیتدین تیفاقین داغیتدین دونیا
حاج علی دیاردوست مغانلو.تنکابن
۱۴۰۱.۳.۱۷
255 views17:00