قبل ما تكتبوا الرغبات نركز #مهم 1/نكتب الكليات المتاحة يعني | هانت هنوصل💪💕
قبل ما تكتبوا الرغبات نركز #مهم
1/نكتب الكليات المتاحة يعني مش تكون جايب 68 في المية و تروح تكتب سياسة أو ألسن.... أو تكون 89 و تروح تكتب طب وتخلص الرغبات المتاحة ليك و للأسف حل الموضوع دا صعب و غالبا الكليات المتاحة ليك هتكون ضاعت عليك
2/نكتب كلية من الأقرب للأبعد يعني مش ينفع تكون من المنيا وتبدأ من الإسكندرية
3/نكتب الكلية المكتوبة في كل أنحاء الجمهورية زي ما قولنا وليكن أنت من المنيا بس مجموعك جاب الإسكندرية بعد المرحلة التالتة بيفتح باب تقليل الاغتراب (يمكن يتقبل و يمكن لا) بس غالبا بيتقبل
4/الرقم السري بتخدوا من المدرسة محدش يعرفوا لأنه ممكن يحولك من الكلية بي
5/ليكن تقليل الاغتراب اترفض (بعد الشر يعني ) و المكان مش مناسب ليك هتعمل تحويل ورقي
6/أطبع ورق الرغبات(احتياطي) علشان لو حدث معاك خطأ يكون معاك إثبات (لأنه شئ نادر الحدوث بس محدش يضمن)
7/أهم نقطة
أكتب كل الكليات اللي نفسك فيها (علشان لو رجعت في كلامك و حبيت تحول حتي لو ورقي لازم تكون مكتوبة في ورقة الرغبات )
8/جهز الفيزا بالنسبة ل كليتي (علوم إعاقة) كانت من البريد المصري وليس بنك
9/التقديم بيكون قبل الدراسة ب أسبوع ف مش تقلق وفي ناس بتقدم بعد الدراسة (ربع هدوئهم يعني)
10/خد معاك كل حاجة زيادة صور ، أصل ، ورق .....
11/خلي معاك نسخ زيادة في البيت معاك
12/معظم الكليات بتفضل الإسم مطبوع علي صور (لو عملتها مش غير طباعة عادي أكتب أسمك بالجاف مفيش مشاكل)
13/بلاش لبس غريب في الجامعة زي الشورت و اللبس القصير في العموم
14/الكمامة يا شباب مهمة
15/خد معاك قلم جاف لأنك هتلف و هتقف ب ساعات علشان قلم تكتب بي في التقديم
16/أطبع نسخ كتير من ورق الترشيح لأنك هتفضل ترم كامل بتدخل بيها + البطاقة مهم
