2022-01-09 17:57:43
#عن_تجربة
الحب قبل الزواج مالو مبهر متل الحب يلي بيضل بعد الزواج
مالو شي مبهر انو شب يجيب لخطيبتو افخم الهدايا ويحكي معا ليل نهار وينفذ طلباتها وما بيتأمر عليها وبيعمل فيها عنتر فجلة لأن هاد طبيعي جدا و بيصير!
الإنبهار الحقيقي انو يضل يجيبلها نفس الهدايا..ويضل يحاكيها كتييير ويهتم بطلباتها بعد الزواج
وهاد ما عم يصير إلا بنسبة قليلة كتير
الانبهار الحقيقي هو انو بعد ماتصير مرتو وساكنة معاه بنفس البيت ووجهو بوجها طول اليوم ما يمل منها ولا يمل من كلامها وحديثها
المبهر فعلا هو يلي بضل محسسا انها جميلة واجمل نساء الكون بعيونو حتى بعد ما جابتلو ولدين تلاتة
المبهر عنجد هو يلي بعد عشرين سنة زواج ما بينسى يوم عيد ميلادها وبجبلها فيه هدية
شو المبهر بواحد بحبك وهو ما بيشوفك الا بأبهى صورة وانتي مزبطة حالك ولبسك وشكلك
هاد لا شافك وانتي عم تعيطي ولا وأنتي عم تنفرزي ولا وأنتي فايقة من النوم وكل خسلة شعر رايحة باتجاه، ولا وانتي تعبانة وشكلك فايت ببعضو..طبيعي يحب الصورة يلي مافيها ولا غلطة يعني
المبهر بقى انو يضل يحبك بعد الزواج بعد ما يشوفك بحالاتك كلها
المبهر عنجد مو يلي مقضيها عزايم وكافيهات ومشواير بفترة الخطبة..المبهر هو يلي بقضيها كافيهات ومشاوير وطلعات وفوتات بعد الزواج
مو يتركك بين اربع حيطان مع الولاد وهو يطلع مع رفقاتو
الانبهار الحقيقي بالحب هو الحب يلي بيبقى بعد الزواج متل قبل الزواج..مابيتغير فيو شي غير انكن عم تكبرو سوا
اللهم هبنا حبآ يثبت في القلب
410 viewsLoleta, 14:57
ش
