(آنادیر ) هر غزل دفتره یازسام یارا، یاریم آنادیر آخی لاپ سئوگیلی ایستکلی نیگاریم، آنادیر عومرومون سون چاغی قیش گلسه، کولک وورسا منی یا خزان دیسه سولورسامدا، باهاریم آنادیر هر باخاندا ئوزونه، اوز اوزومه سویلویورم شوکتیم شأن و شعوریم سه، وقاریم آنادیر آنادیر آغزیمی آچمیش بالینان، شربتیلن بو شیرین لیکده دیلیم وارسا، عیاریم آنادیر شعریمین قایناقی سؤز صحبتیمین سمفونوسی دیل آچاندان بری آهنگیمه، تاریم آنادیر درد و غمده‌ن منی هر لحظه ده آرام ائلیین دیزی اوستونده منیم صبر و قراریم، آنادیر «چیلقین»ام تانری منه هر نه عنایت ائلییوب یئر ئوزونده بو منیم دار و نداریم آنادیر سلماسی @shrear 1.6K views12:24
