شعر طنز در مورد ماه مبارک رمضان سرودهٔ کریمی مراغه‌ای(۵۰ سال پیش) رمضان گلدی جماعت گنه سلمان اولاجاق دین اسلام اوجالوب خلق مسلمان اولاجاق گله جاق غیرته فاسق اولاجاق اهل تمییز ایتدیقی معصیته جمله پشیمان اولاجاق بزنوب خار مغیلان گیره جاق گل دونونا نخل و سنجد دوزه لوب سرو خرامان اولاجاق مسجدون تاخجاسی حسرت قالاجاق مهر اوزونه هره بیر مهر تاپوب بنده یزدان اولاجاق بیر محرمده چیخوب شاهقلی بیگ مسجددن بیرده بو آیدا گلوب داخل ایوان اولاجاق اونبیر آیدور یومویوبدور بدنین یارقلی بیگ ایندی حمامه گیدوب شاد و خرامان اولاجاق قولاقین دورد ایلیوب ماللیا آغزین آچاجاق باشنی سیلکلیوب واله و حیران اولاجاق آلاجاق منبرین اطرافینی پولسوز لوطولار پوللولار گلسه ده بیر گوشه ده پنهان اولاجاق هر کیمون خوش سسی وار دامدا مناجات ایده جاق آچیلوب حنجره سی بلبل خوشخوان اولاجاق بی طهارت بالالار که دانیشانمور سوزینی اولاجاق خلقه موذن عجب عنوان اولاجاق هر اوچ ایودن بیری لازیمدی چخوب ویرسین اذان بختی قاره خروسین قیمتی ارزان اولاجاق آی قوتولجاق باتاجاق جمله نفسلر هاموسی نه اذانچی نه مناجاتچی نه قران اولاجاق اوروجون میل ایلینلر گیده جاقلار سفره گزه جاق هریانی زوار خراسان اولاجاق قوتولور ماه مبارک عمودان گلدی خبر بیست و هفتم گجه سی وارد تهران اولاجاق او آداملار که وریرلر تومنی بیر قرانا سره لرده گجه لر قاری قران اولاجاق دوزه جاق نعمت الوانی داداش سفره لره فقرانین بو جهتدن جگری قان اولاجاق بعضی از نسخه ها زده این شعر از استاد شهریار هستش بعضی جا هم کریمی مراغه ولی به هر حال قشنگه @shrear 1.2K views18:30
