2022-08-31 14:08:55
((درب المشي))درب المـشي
ضيم وحچي .. كل الدمع لمصابك
نوح ودمــــع
كلشي انجمع .. جم رتبه دگن بابك
شيـوصف بابــك بالملگــه ويـه الزوار
چـنه القاسـم بيــده الدله يعزب خطار
ياسفرةّ الله الممدوده وما مش محتار
والعباس يروي بجوده زغــار ويه اكبار
وابابك المـنبر نـور ما معـروف چـم بايه
صعد جدك محمد صاح آنه اقره القرايه
ياحسين ...
"""""""""""""""""""""""""""""""""""''''''''''''
صوب النهر
ينــزل مطر .. يقره النبي بدمعاته
چَــف والم
طايح علم .. شالن سهم صفناته
ويلطم حتى الما بي يلطم ويدك عالراس
وتگــوم الرضـعان تشـيب وتطيح النــاس
ويم المنبر تبچي مريه متروسه احسـاس
مــريم لو يمــكن معصــومه لا ام عبــاس
تلطم والعفيفه تصيح راح الجان تچـايه
ضلت تنعه ام عباس الك يحسين ملايه
ياحسين ...
"""""""""""""""""""""""""""""""""""''''''''''''
راحو هلي
يبچي علي .. ويا دمعته المذروفه
كلهم سبي
بيد اجنبي .. ويا لوعته من الكوفه
ويم بابك حيدر متنطر ضعن الايتـام
ومتاني الحره بأشواگه حيل ومحتام
محنيه ضلوعه ومـناطر ويه الخــدام
يازينـب وينـچ يبنــيتي ضگـتي الآلام
مابي يوگف مـــن الضيم زينب بَينت هايه
صاحت بويه هذا الصار والماحاچيه هوايه
"""""""""""""""""""""""""""""""""""''''''''''''
مـــن فاطمه
تبچي السمه .. لمن اجت يا حاله
شنهي العذر
مـــــن الغدر .. ومطشرين اعياله
يحسين امك گوه وتمشي ومحنيه ضلوع
وبدروب الوادم عل الوادم وتطش دمـوع
وگلب الحره وگلب الزهره كلــش موجوع
من راسك يحسين وتدري خوف ومزروع
هاي الزهره بيهه جروح والدمعات دمايه
تعــثر بالدرب يانـاس لـمـن تلچـح الرايـه
ياحسين ...
"""""""""""""""""""""""""""""""""""''''''''''''
شايل شــــمع
مدري دمــــع .. حتى الحسن هم حاضر
يتاني الضعن
هذا الحســن .. هـــــــم بالــدمع ويناطر
يا جــسام يصـــيح بروحه وراســـك برماح
يازينـــب چاوين اخـــوتنه ويا ضــعنچ راح
حصـــدوا زرعك حيـــدر بويه ومات الفلاح
راس حسين ومن ارماحه كل لحضه وطاح
الحسن مكسوره منه ضلوع هذا الجرح والغايه
يـــــدور عالشمع وينـــــوح مـــــن ولايه لولايه
عبد زينب
محمد الابراهيمي
376 views11:08
ا
