ده علاج جلد الوزة اللي كنت منزلاه قبل كدة مساء الخير الكر | الُِعٍنآيهـ بَآلُِبَشُرهـ ♥️
ده علاج جلد الوزة اللي كنت منزلاه قبل كدة
مساء الخير الكريمين دول مع بعض ( Acretin مع Panthenol ) استخدامهم بالخلط سوا علي إيدك حته مع حته يوم بعد يوم بعد حمام دافئ كفيلين انهم يعالجوا الجلد المنقط او المحبب ف الرجل او الأرداف .
الحاله دي بتسمي جلد الوزه ( Keratosis pilaris ). او الشعر المحبوس تحت الجلد ودي بتبقي بسبب زياده ترسب الكيراتين علي بصيلات الشعر ينتج عنه حبس الشعرايه ومنع خروجها فيبان الجلد كأنه منقط أو محبب.
يبقي لأول وهله اول ما افكر ف علاجها افكر ف ايه ؟ مقشر عشان يشيلي الكيراتين اللي اترسب ده علي بصيلات الشعر .
وكمان هنحتاج مرطب.. لانه الجلد بيبقي جاف جدا ومتقرن ومتحرشف بيشبه بالظبط جلد الوزه او جلد الدجاجه. إذن العلاج ف كلمتين ((مقشر ومرطب)).
مقشر يشيل طبقه الكيراتين اللي اترسبت اللي هو ال Acretin ومرطب لان الجلد بيبقي جاف جدا جدا اللي هو ال Panthenol.
عشان كده ترطيب الجلد ب استمرار مهم جدا ك وقايه وعلاج من جلد الوزه ((المشكله اللي بيعاني منها تقريبا ٩٠٪من البنات )) نتيجه نقص الترطيب.
وكمان إزاله الشعر بالسويت ب استمرار مهم جدا جدا مع العلاج عشان نلاقي افضل نتايج .
الموضوع كمان ف الغالب وراثي او اكزيما معالجنهاش كويس.
