البوست ده هتلاقوا فيه حلول لكل مشاكل البشرة من الاخر كدا مش هت | الُِعٍنآيهـ بَآلُِبَشُرهـ ♥️
البوست ده هتلاقوا فيه حلول لكل مشاكل البشرة من الاخر كدا مش هتحتاجوا حاجه تانيه هتكلم فيه عن : 1_ازاى نعرف نوع بشرتنا 2_اكسدة البشرة 3_الحبوب 4_آثار الحبوب 5_الحبوب اللى تحت الجلد 6_غمقان حول الفم 7_الهالات السودا 8_ازاله شعر الوش 9_الغسول 10_المسام الواسعه 11_تعملوا ماسكات وتقشير ولا 12_التفتيح 13_النمش والكلف لو لقبتكم مهتمين وحابين اعدل هعدل ع طول ع شان اكبر عدد من البنات يستفاد البوست طبعا هياخد وقت عقبال م اكتبه ادخلوا الجروب Toka Store لحد م اكتبه واجيلكم تعديل : البوست دة هتلاقوا فيه حلول لكل مشاكل البشرة
اولا ازاي اعرف نوع بشرتي ؟
اغسلي وشك بغسول او صابونة و نشفيه و استني ساعة
لو الدهون اتكونت في كل وشك يبقى دهني لو في t zone بس يبقى مختلط لو بشرتك كويسة و مش مشدودة يبقى عادية لو ناشفة و قشرت تبقى جافة ————
اكسدة البشرة: هي بسبب نقص فيتامينات كتير في جسمك و تقدري تعوضيها بأكل الخضار و الفاكهة اللي ليهم لون قوي زي الكرنب الاحمر و الكريز و الفراولة و العنب و ممكن تاخدي اي مكمل غذائي يكون مكتوب عليه مضاد للأكسدة و ترطيب البشرة كمان بيفرق من الفيتامينات المضادة للأكسدة فيتامين ه
____
الحبوب: احسن حاجة و سعره مناسب جدا هو كلينداسول بالذات للحبوب اللي ليها راس ابيض و بتوجع
———— آثار الحبوب: لو حمرا و ملتهبة هتحطي هتعامليها زي الحبوب تحطي كلينداسول لو بني و بقع يبقى عايزة كريم تقشير زي ادابالين او تفتيح زي ستارفيل
ادابالين و اكرتين ماينفعوش في الحمل والرضاعة ———-
الحبوب اللي تحت الجلد : مع الغسول و المرطب بيروحوا لوحدهم و ساعات بيحتاجوا تنضيف بشرة عميق عند متخصصة زيي يعني ————-
غمقان حول الفم: سببه بردو نقص ترطيب و فيتامينات في الجسم و ساعات بيكون وراثي / رطبي وشك و المكان دة كويس و هاتي كريم ستارڤيل حطي نقطة منه مع المرطب و اهتموا بشرب المية واكل الفاكهة الغنية بفيتامين سي ———-
الهالات السودا:
اعرفي السبب الأول وراثي ولا بتسهري كتير و لا انيميا
لو وراثي مافيش حل غير جلسات اسمها كاربوكسي بتتعمل عند دكتور الجلدية
لو بتسهري يبقى بطلي سهر
لو انيميا يبقى نعالج الانيميا و تاخدي مكمل غذائي
لكن اي كريمات مالهاش لازمة يا بنات لانها مشكلة داخليه مش تصبغ لو تصبغ بنلجأللوصفات الطبيعية اللي سبق اتكلمت عنها مع كريم تفتيح مناسب مكوناته طبيعيه
———- ازالة شعر الوش :
لو حد بشرته بتلتهب من الفتلة و الشمع يبقى لازم تبطليهم عشان مايطلعش حبوب وتفضلي تعالجي فيهم
هاتي كريم تشقير اسمه چولي ايڤا و شقري وشك
او استخدمي شفرات الوش بس لازم نوع كويس منها افضل نوع استخدمته فلامنجو الاورجينال وف كذا براند كورى هتلاقوهم ف الجروب
المرطب خطوة مهمة جدااااا لكل الناس مادام بتستخدمي غسول
اسعارهم حلوة و مع الوقت الجلد بيكون طري و فيه نضارة
———
المسام الواسعة : بصوا عايزاكم تعرفوا ان دي حاجة طبيعية في الجلد و عند الناس كلها جلدنا مش بلاستك غسول و مرطب كفاية اوي و شكل المسام هيتحسن مع الوقت و هتقل ولو مضايقاكي اوي ممكن تجيبي برودكت يقلل حجم المسام
———-
روتين البشرة مش لازم يكون ٢٠ منتج ....غسول و مرطب كفاية اوي
و لو بتحطي مرطب فيه زنك زي ستروبانتين و هاي بانتين هيحمي من الشمس كمان
———- تعملوا ماسكات ولالا ؟ اه اعملوا ماسك عسل كل يوم عادي بيرطب و بيحسن من الجلد
طيب مقشر؟ اعملوا مقشر قهوة وسكر ناعم ربع معلقة بس مع زيت زيتون مرة في الاسبوع كفاية اوي لان البشرة بتتجدد لوحدها كل ٢٨ يوم اصلا
————
التفتيح :
اعرفي ان الكريم مش هيفتح واحدة سمرا لازم يكون الاسمرار جالك من مصيف او الشمس / كريم ستارفيل مناسب جدا اهم حاجة تستخدمي صم بلوك وانتي برة
النمش والكلف : لو حامل و طلعلك كلف هيروح بعد الولادة النمش بيرجع تاني بعد العلاج ف اتبسطي بيه هو شكله حلو اصلا مع ميكاب خفيف هتبقي قمر
اعتقد دي اغلب مشاكل البشرة لو في حاجة تاني اسألوا و هنزلها ف بوست تاني
