روتين العنايه بالبشره بنات كتير بتسالني اهتم ببشرتي ازاي وتستمر بجمالها بعد جلسات التجميل والتفتيح أو لو بشرتي كويسه اهتم بيها ازاي :_
هي خطوات معينه بتتكرر في كل انواع البشره بس مع اختلاف المستحضرات المستخدمه وعدد المرات ... يعني
الروتين اليومي للعنايه بالبشره لازم يتضمن :
1 - التنظيف اليومي : طبعا بالغسول المناسب لنوع البشره ...بكون في الصباح والمساء وخصوصا لو بنستخدم ميكاب وخاصة بالنسبه للبشره الدهنيه والمختلطه...
2 - المسح بالتونر : عشان نتخلص من بواقي الغسول ونقفل المسام .. تونر يعادل PH البشره وممكن لومش متوافر عندي ممكن اجيب ماء ورد كويس وبيبقي مناسب لكل انواع البشره ...بس التونر المناسب ل PH البشره افضل
3 - الترطيب اليومي : من اهم الخطوات وخصوصا بالنسبه للبشره الجافه ، بالنسبه للبشره الدهنيه والمختلطه نبعد عن الترطيب بالزيوت او اي لوشن يحتوي على زيوت يستحس جل الصبار او كريم مخصص للبشره الدهنيه، بالنسبه للبشره الحساسه زيت البابونج برطب وبهدي لو في اي احمرار او حساسيه ...
4 - استخدام واقي الشمس : ضروري قبل النزول ب ثلث ساعه ويكون درجت الحمايه من 50 ل اكتر من 50 ، %50 يتجدد كل ساعتين و اكتر من 50% يتجدد كل اربع ساعات ...
5 - الاعتناء بمنطقه حوالين العين : يا اما بكمدات الخيار و البطاطس وماء الورد ، او بقطن مع ماء الورد الساقع بريح العين وبشيل الانتفاخ ولو في احمرار ، او باي كريم مخصص للمنطقه ، وممكن ندهن قبل ماننام المنطقه بزيت اللوز الحلو ...
6 - التقشير الاسبوعي : بالنسبه للدهنيه من مره للاثنين في الاسبوع، المختلطه والعاديه مره في الاسبوع ، الحساسه والجافه مره في 10 ايام او اسبوعين....
7 - استخدام ماسك مناسب لتغذيه البشره واعادة نظرتها وحيويتها حسب نوع البشره مرتين في الاسبوع ...
دي الخطوات اللي لازم نتبعها بشكل يومي عشان نهتم ببشرتنا مهما كان نوعها ... ومننساش شرب الميه اهم حاجه للترطيب وفاكهه وخضروات والبعد عن الاكلات المؤاكسده لان الوش مرايه الجسم
