2021-08-20 00:07:45
Reported speech
السلام عليكم اسفه تأخرت عليكم
اليوم باذن الله حنكملو ما تبقى من درس السؤال المنقول ..
المره السابقه خدينا الأساسيات
خدينا شن هو السؤال المباشر والغير مباشر
خديناه كيف نرجعو بزمن في السؤال المنقول وخدينا نبذه بسيطه بزمن معين
اليوم بناخدو كيف نرجعو بيه بجميع الازمنه ..
بنعطيك اللب وأمثله وكل شي
ف ركزو معاي
اول شي نبدو بزمن
( present simple)
( example) = ( المثال)
sara said " I always drink coffee"
( انا دائما اشرب القهوه )
توا الجمله هادي( direct speech )
بنحولها لي( indicate speech )
مش قتلك ان في الكلام المنقول ديما نحبو نرجعو للزمن التالي؟ ؟
توا زمن
( present simple) شن وراه؟؟؟
( past simple)
يعني الجمله متاعي بنحولها لي زمن الماضي البسيط
كيف يا سيرين؟ ؟
هي ركز معاي
اول شي لازم تعرفه في
( Reported speech)
ان حني لازم نغيرو ال ( subject ) = ( ضمير)
والكلام هادا حتفهم معناه لما تشوف المتال ونقولو بسم الله
Sara said " I always drink coffee "
( indirect speech)
Sara said that " she always drank coffee "
اني هني شن درت؟؟
الضمير لان نتكلم ع ساره وهي بنت ف حطيت( she )
نزلت ( always ) زي ما هي
الفعل
( drink ) درته في ( past simple)
وبدي
( drank )
وهادا هو
في أسهل من هكي؟؟
مفيش..
القصه كلها في انك تكون فاهم الازمنه بس
بناخدو ع كل زمن متال وباذن الله حرق
توا بعد( present simple )
عندنا ( past simple )
ولما نبو نحولو من ( past simple ) لي
كلام منقول طول نستعمل زمن
( past perfect)
هي ركز معاي
( example)
He said " Sally arrived yesterday "
توا بنحولها لي كلام منقول
He told me that " Sally had arrived the day before yesterday "
اني هني شن درت ؟؟
نزلت
( Sally) زي ما هي + حطيت ( had ) لان عندي زمن ماضي تام + arrived درتها في تصريف تالت لان هادا زمن ماضي تام + لان الكلام المنقول ديما نحبو نرجعو للزمن التالي
مداما عندي ( yeasreday )
مش حنخليها زي ما هي
بنديرها اول امس
تبدا
( the day before yesterday)
توا هكي كملنا
( عندك present perfect )
نفس التحويل متاع ( past simple )
يعني نستعملولهم
( past perfect)
بالنسبه لل
( future simple)
الجمله مفيهاش تغيرات هلبا ركز معاي
Ahmed said " I will study hard next week "
( احمد قال انها سوف يدرس بكد الاسبوع المقبل )
توا بنحولوها لي كلام منقول
ركز معاي مفيش ابسط منه
اول حاجه لازم تعرفها
ان في الكلام المنقول نحولو
( will ) = تبدا ( would)
هي خلي نحولوه مداما عرفنا هكي
Ahmed said that ..
" he would study hard the following week "
شن درت هني
حطيت
( he ) زي ماهي + ( will) خليتها ( would) + next week خليتها
( the following week)
وتحويلات هادو توا نديرلكم فيها شيت بش تفورمو فيهم
ومدا بيكم تحفظوهم
وهكي نكونو كملنا درس اليوم
وعرفنا أن درس الكلام المنقول مفيش اسهل منه غير حني مصعبينه
بنديرو كويز نشوفو كان فهمنا ولا لا
و بنديرلك شييت فيه نقاط مهمه وزي ما قلنا شعارنا هو
#we_will_get_to_our_target
814 viewsMs. Purple , 21:07
I
