#اعادة_السنة :- هواي طلاب شافت معدلاتها و شافت التكسير و بيه | زن
#اعادة_السنة :-
هواي طلاب شافت معدلاتها و شافت التكسير و بيهم مأجلين ولو مادة و يكدر يعيد قبل ما تفكر بالاعادة شوف نفسك اذا عدت تكدر تجيب معدل اعلى اذا جوابك اي انصحك تعيد اذا جوابك لا انصحك امتحن دور ثاني و خلص
#المشاكل :-
انت من راح تعيد راح تواجه مشاكل منها اكو مدرسين راح يأذوك بكلامهم و منها تشوف اصدقائك بالجامعة و منها تلكة طالب اول سنة اشطر منك و منها الاهل الي ما يسكتون و منها هواي شغلات بس حاول ما تهتم لهذا الشي و حاول تكون اقوة من هاي الظروف اني حجيتك الواقع انت اذا تهتم للناس ما راح تحقق شي لان اراء الناس مو كلها صح
#الاخطاء :-
شوف انت خلال هاي السنة صارت عندك اخطاء و اكيد عرفتها اريدك اول شي تتخلص من اخطائك الي ندمت عليها و شوف انت راح تكون صاحب خبرة عن بقية الطلاب و انصحك شغلة و هي لا تبخل بنصيحة لطالب ابد انصح بس لا تلح ويا لان هو هم يعرف يفكر
#الهدف :-
كل طالب اول ما دخل السادس مخلي هدف براسو مثلا اكو مخلي هدف 97 هذا لازم يفكر 98 او اكثر اكو 98 هذا يفكر بال99 او اكثر و اكو 99 هذا لازم يفكر يطلع الاول على العراق و بهاي راح يكون عندو حافز
#المصادر :-
اكو طلاب راح تكول المصار اغيرها لو ابقيها نفسها شوف عيني انت اخذت ملازم جانت حسب التقليص تمام انت مدون ملاحظات احتفظ بالملاحظات و اريد منكم شغلة اي مادة ما جبتو بيها درجة زينة غيرو المصدر بالكامل و يكون الخلل من الملزمة مو منك انت ما قريت
#دفتر_خطة :-
كل طالب سواء معيد او اول سنة لازم يسوي دفتر خطة يدون كلشي بي مثلا المدرس الي راح يدرس علي المصادر الي راح يدرس عليها الجدول الدراسي و اهداف اليوم شنو راح يدرس
#تنظيم_الوقت :-
كل طالب لازم يعرف ينظم الوقت و بعرف شوكت يقرا بأي ساعة يدرس فهم بأي ساعة يدرس حفظ و يسوي جدول و يضل ياحول يلتزم و بالاخير تلقائي راح يلتزم بس بالبداية راح يواجه صوبة بالالتزام
#المكان_الدراسي
حاول تخلي مكان دراسي خاص بيك و يكون هادء و بي اقلام و قرطاسية دفاتر و كلشي تحتاجو خلي بالمكان الدراسي حتى المي و كلشي
#اخر_نصيحة
نصيحة اترك الكروبات و الاصدقاء الي يبعدوك عن الدرس و الطلعات و التسخيت ترا كلشي قابل للتكرار بس الوقت ما يتكرر ترا اكو اشخاص خلوك تضيع وقتك ما اكلك احبس نفسك اطلع فوت تونس بس بحدود و اتمنالكم الموفقية .
