انا ملاحظة الناس بتكرة الجبنه القريش وبما اني خبيرة قريش وبعشقها وباكلها متنوعه مش هبخل عليكم ببعض الطرق اللي هتغير طعم القريش
اول طريقه ازاي نعملها جبنه كريمي
هنجيب خرطة قريش مع نص كبايه لبن جاموسي مع زتون اسود او اخضر وكلهم يضربو فالخلاط
هتطلع جبنه ملهاش حل.
تاني طريقه
عجة بيض بالجبنه القريش
الطريقه
٣بيضات
جبنه قريش مفتته
بقدونس وشبت
بصل اخضر مقطع صغير
فلفل الوان
ملح فلفل وكمون وكزبرة
نضرب كلو بالشوكة ونسخن طاسه سيراميك مع مسحة زيت درة ونستني لما تستوي
وتبقي معانا احلي عجة بيض بالقريش
اما الوصفه التالته
بتجيب لبن بقري مغلي وبدون دسم تحط معاه ملح ولمايبرد تحطة ف علبه بلاستيك و بتنزل فيه قطع القريش مع قرن شطة اخضر حراق وبدخلهم التلاجة
يومين تلاته كدا وتبقي زي الفيتا بالظبط وبرضو هي قريش بكل فوايدها.
