منن سنه وصیت کرونا ایرانا گلمه یوخ بیزده او قدرت کرونا، ایرانا | ترنم غزل

منن سنه وصیت کرونا ایرانا گلمه
یوخ بیزده او قدرت کرونا، ایرانا گلمه
بیر مغزیوی ایشلت کرونا، ایرانا گلمه

آز توتمامیشیخ درت کرونا، ایرانا گلمه
اولسون سنه لعنت کرونا، ایرانا گلمه

آلدین الیمیزدن بوتون آرام و قراری
اولدوخ هامیمیز مدرسه لردن ده فراری
ال چح بیزی بوشلا، یازیغیخ گئد سنی تاری

آد وئردیم او مصحف، قرآنا، ایرانا گلمه
اولسون سنه لعنت کرونا، ایرانا گلمه

آندی نه قانیر، چیننیدی بو، دینسیز ایمانسیز
هرگون جان إلیر،باخمیری بو جانلیدی،جانسیز
چوخ جدی توتون بو مرضی، سیز کی جاوانسیز
رحم ایله قوجا یا جوانا، ایرانا گلمه
اولسون سنه لعنت کرونا ایرانا گلمه

دونیاده یالان چوخدی داها یوخدی حقیقت
تبعیضیله تزویر ائدیر خلقی اذیت
یوخدور داها میلتده نه ایمان نه شریعت

تزویر گرک اوتدا یانا ایرانا گلمه
اولسون سنه لعنت کرونا ایرانا گلمه

بش وعده نماز، آیه ی قرآن هانی ملت؟
تکبیریله، تسبیحیله، ایمان، هانی ملت؟
یوخسوزلار، بی کسلره احسان هانی؟.. میلت

گولله آتیری بیر قیرانا، ایرانا گلمه
اولسون سنه لعنت کرونا ایرانا گلمه

شعر:سیدمحمودمظفری
صدا:سیدمحمودمظفری
تنظیم:مهدی بابازاده
@sm_mozaffary