2021-04-22 15:40:08
شعری بسیار زیبا در وصف خشکسالی از طرف همشهری عزیز آقای اکبر نصیری قیداری با نام ((قورو یاز))
یاغدیر یاغیشین بار خدایا که آماندی
رحم ایله کشاورزه که احوالی یاماندی
وقتینده اَکیپ بذری و شوقیله سَپیپ کود
گر اولمیا سو قطعیدی محصول اولا نابود
قوربانی کسیلَّر سووا خاطیر هامی کدلر
شاید که یاغا گوجلی یاغیش تا دولا سَدلَر
یاغدیر یاغیشین مهربان ای مایه ی رحمت
بیز بنده ی شرمنده یگ و مایه ی زحمت
گر یاغمیا تا اولمیا بو ایشده گشایش
قطعا قورویار چولده طبیعتده یاشایش
یاغدیر یاغیشین قوی شَپَه سی داغلاری آشسین
دوشسون یولا سیل بیرده دنیزلر بویو داشسین
سَن باخما یارانمیشلارا اِسراف ایلیری چوخ
ائوز مصرینه قاعده اُلگوی بجا یوخ
مصرف یولونو بیزلره اورگَت که بیلاخ بیز
هر جرعیه بیر شوکر نمازینده قیلاخ بیز
مصرف ایلیینرده نِچّه دسته دی ایندی
هر دسته سووا بیر جوره وابسته دی ایندی
کَدبانولاری که سَپیری قاپلارینا سو
فیکر ایتمیری بیر عیدّه سوسوزدان چیکیری زو
کاسیب که شیلینگی اُئوزی بیر چشمه دی جاری
باشدان یووری تا اَیاقا گونده دیاری
بیر عِدَّده که عشق ماشین وار یووا گونده
واردیر نیازی مصرفی بیر تانک سووا گونده
بیر عِدَّه یرآلما اَکینین ایشلَره قاتدی
افراد طمعکاره یئر آستدا سووی ساتدی
همشهری گَلین مصرفه برنامه یازاخ بیز
دوز مصرف ایداخ ریشه ی اِسرافی قازاخ بیز
اولماز که فقط مصرف کنتور بیزه سالسین
قطعا که گوراخ مصرف آینده یه قالسین
فیکر ایله اگر اولماسا سو نینیَریک بیز
ساققیز کیمی بیر قطره سووی چینیَریک بیز
کانال تلگرام منابع آب خدابنده
@omorabkhodabandeh
829 views⃟ᬼ ⃟ᬼ࿆🄼ᬼ࿆🄰ᬼ࿆🄹ᬼ࿆🄸ᬼ࿆🄳ᬼ࿆⃟ ⃟ᬼ, 12:40
ا
