#حرارة_واختلاج يا دكتور .. الولد ما كان فيه شي .. فجأة ا | ΜEDICAL_ЅƬƱDENƬЅ 〞🧬💉
#حرارة_واختلاج
يا دكتور .. الولد ما كان فيه شي .. فجأة اجته حرارة .. وبلش ينفض بايديه ورجليه ..وغاب عن الوعي وطلع زبد من تمو .. ولوقت وصلنا لعندك .. راحت النوبة وفاق .. كان مرشح .. بس هيك ....وهلق كتير خايفين
هي القصة ..شائعة جدا عند الأطفال .. وممكن أي طفل سليم يصير عندو حرارة وتسببلو اختلاج.. لهيك رح احكيلكن اليوم عن هالموضوع .. وشو لازم تعملو اذا لا سمح الله صار هل #الاختلاج مع طفلكن .. وكمان ايمت لازم تعملو #استقصاءات متل #تخطيط_كهربائية_الدماغ..
أول شي #تعريف_الاختلاج_الحروري: هوي عبارة عن حركات لا ارادية بالاطراف وببقية الجسم ..بتترافق مع غياب عن الوعي وخروج زبد من الفم وتبول لا ارادي ..وتغريب بالعينين.. #المهم بالاختلاج الحروري هوي الارتفاع #السريع بدرجة الحرارة وغالبا بتوصل لل 39..او اكثر..
عنا #نوعين للاختلاج الحروري #بسيط .. و #معقد
الي بهمني انكن تعرفوه هوي : اذا استمر الاختلاج اكثر من 10-15 دقيقة اذا اتكرر الاختلاج خلال 24 ساعة اذا كان الاختلاج بؤري.. يعني شمل جزء من الجسم مو كلو فنحنا هون قدام #اختلاج_معقد بيحتاج مراقبة الطفل #بالمشفى واجراء استقصاءات مثل بزل السائل الدماغي الشوكي وتخطيط الدماغ والتصوير بالرنين المغناطيسي او الطبقي ... حسب حالة كل طفل اما #الاختلاج_البسيط ..ف بيجي اقل من ١٠ دقائق وبكون شامل لكل الجسم وما بيتكرر خلال نوبة المرض .. وهون الطفل ممكن يتراقب فقط بالمنزل والعلاج فقط لسبب الحرارة
#️التوصيات_أثناء_حدوث_نوبة_الاختلاج: ا لهدوء أثناء النوبة هوي مفتاح التدبير الجيد وضع الطفل على جنبه .. وعلى الارض .. بعيد عن الدرج او عن اي ممكان ممكن يسقط منو إزالة اي شي من الفم .. واصحكن تشربوه اي شي اثناء النوبة لإن ممكن يتشردق و يصير مضاعفات خطيرة فك الملابس الضيقة تبريد الطفل بالكمادات الباردة أسفل الابطين والركبتين تحميلة حافضة للحرارة.
حاولت اختصر بس الموضوع واسع بتتمنى لكل الأطفال الحلوين يضلو بخير وسلامة
#د_سهير_الحسين ___ الفيديو توضيحي لحالة الاختلاج ..والتوصيات
