حابة احكي فكرة صغيرة وضروري ننتبه الها, لأنّ طريقة تعامل الأشخ | حراك الصحوة الروحية

حابة احكي فكرة صغيرة وضروري ننتبه الها, لأنّ طريقة تعامل الأشخاص معها جدا خاطئة وتأثيرها حيكون سلبي علينا كلنا.

وظيفة الأخبار اليوم هي جذب القارئ لسماع الخبر, بس مو الهدف إنك تسمع الخبر لا الهدف إنك تسمع الخبر وبعدها تقرر تتصرف بشكل معين يتناسب مع القوة المحركة للعالم, للتأثير على الجميع سياسيا واقتصاديا وحتى اجتماعيا.

فانتبه ما تكون إنت ضحية لهي الأخبار, كيف ممكن تكون ضحية؟
من شهر في حديث مستمر عن حرب عالمية ثالثة, وكأنه مطلوب بشكل ضمني أو بشكل مبطن أن الناس كلها تجيش مشاعرها وعواطفها وخاصة مشاعر الخوف لتدعم هي الفكرة.

اليوم كل شخص عم يكتب بوست عم يدعم الفكرة, وكل شخص عم يأكد على الفكرة بكلامه وبخوفه وحتى بتحليله المبني على معلومات عم تقدمها وسائل الأخبار, هو شخص مساهم بدون وعي بحدوث كارثة وقبولها على المستوى الشخصي أقل الشي.

معقول هالكلام؟ أي طبعا, وحفسرها بشوية أمثلة.
اليوم بلش يصير في ارتفاع بسعر الذهب, هبوط ببعض العملات, احتكار لبعض المواد الغذائية وغلاء اسعار لمواد غذائية تانية.

هاد كله نتيجة شو؟ نتيجة فكرة عم تتسوق للناس وهنن عم يمشوا فيها ويكرروها...

فطلبي من كل شخص واعي, حاول هي الفترة تكون متوازن بعيد عن تكرار الأخبار, أو حتى كتابة منشورات مامنها فايدة غير التخويف.

الوعي بهي المرحلة جدا ضروري ...
#هديل_جنّود
__
#حراك_الصحوة_الروحية على تيليجرام ⁦ ⁩
buff.ly/38Z1EvD