2022-05-11 08:54:36
#شخصية_البطل
• شنو هي شخصية البطل ؟ أو شنو معناها ؟!
- معناها وبشكل مبسط هو أنه كل الظروف ضدك والأمور مو ماشية مثل ما أنت تحب بس ما تستلم لآخر لحظة وتبقى تحاول ، أي نعم هي هاي شخصية البطل.
• شنو ربطها مع طالب السادس !!؟
- ممكن أنت إللي دتقرا كانت بدايتك مو صح بالسادس أو غير موفقة أو مريت بظروف صعبة ونحسة والأمور ما مشت صح ، وانت حاليا دتحس بضياع وقلة ثقة وتايه ، وألف فكرة براسك ، اعرف لأن كل دفعة يكون أكو هيج فئة.
ومتأكد أنه أنت سامع أنه اكو طلاب شدوا حيلهم بفترة المراجعة وضغطوا على نفسهم ونجحوا من السادس وطلعوا بنتائج هم نفسهم ما كانوا يحلمون بيها ، صح ؟ أي هم هذولا عدهم شخصية البطل ، اللي رغم كل الظروف والكلام السلبي وخارج كل التوقعات هم ، يبقون يحاولون للنهاية لأنه أكو وقت يعني أكو فرصة ففعلا وصل ، هي هاي شخصية البطل.
لذلك |
• انطلق وتوكل على الله وشد حيلك ، فترة وتعدي ولا تهتم لنقص البدايات فالعبرة بكمال النهايات والخواتيم.
• كل واحد بيكم عندو هاي الشخصية مدفونة بداخلو ، اعتقد صار الوقت أنه تظهر وتثبت أنه أنت فعلاً بطل.
• تراكمات عندك ومتأخر عادي ، مع الدرس تخف وتهون الموضوع موضوع صبر وشخصية ف شد حيلك كلها كم اسبوع وتهون الأمور.
وايضًا في قانون شخصية البطل بند يمنع المساس به وهو |
" الإيمان بالعودة مهما كانت الظروف " وهي شخصية تجرد المشككين من شكوكهم في رمشة عين وتحول تخمينات الجميع الى ترهات تسقط عندما يستفيق الوحش.
: سالم ال منصور
#شبكة_نيوتن_التعليمية
https://t.me/Newton1998
106 views᥉ꪖ𝑟ꪖ𓍯:, 05:54
ط
