#الامام_الحسن_المجتبى قصيدة بمناسبة شهادة الإمام الحسن المجتبى | خادمة السيده رقيه بنت الحسين ع
#الامام_الحسن_المجتبى
قصيدة بمناسبة شهادة الإمام الحسن المجتبى عليه السلام.
لسان حال الإمام الحسين في مصيبة أخيه الحسن قصيده بعنوان (عزيز الروح)
بحر طويل
باقلام خادمات اهل البيت عليهم السلام
.. الشاعره خادمة لزهراء ليلى زغيب
الشاعره ازهار جبار الجياشي
الشاعره ام علي لحلفي
الشاعره مريم لحجيمي
الحاجه ام احمد الحجامي
الشاعره سهام لمالكي
اجيتك يا ابو محمد يخويه بهمي اتعثر
سم جبدك سهم بيه خله اعضايه تتوذر
▧▧▧▧❂❂❂▧▧▧▧❂❂❂▧▧▧▧❂❂❂▧▧
يبو محمد يخويه اشلون حالك هذا فاجعني
سم الي سرى بحــشاك سرى بحــشاي. المني
الوج من الأثر يا خوي جن امواس يگطعني
حرت يا خويه وبأمري
عضيدي حزام البظهري
انوح اعليك كل دهري
ياابن امي انوحك دوم واصفگ راح واتحسر
▧▧▧▧❂❂❂▧▧▧▧❂❂❂▧▧▧▧❂❂❂▧▧
اصفك راح فوك الراح وبروحي الحزن يطحن
بنواعي الفگــد يبن امي دگـــات الگـــلب ونن
نزف اجـــروحي بالدلال مـــن عيني دمع هلن
حالك خويه عذبني
ودهري بيك دولبني
أو سهم البين صوبني
ولحالك يبو محمد گلب اعضيدك أتفطر
▧▧▧▧❂❂❂▧▧▧▧❂❂❂▧▧▧▧❂❂❂▧▧
حالك كدراها الروح خله الونه مخفيه
لا تسمع المحجوبه عن چبدك وطاريه
اخيتنه اعتنت لينه ومية هلا بهالجيه
مـانـجـرح گـلـبـها انريد
وتذكر حيدر امن جديد
يـومـك من عسنه ابعيد
مريود الاخو مريود واعله افراگه مانگدر
▧▧▧▧❂❂❂▧▧▧▧❂❂❂▧▧▧▧❂❂❂▧▧
مريود الاخو للضيج يبو محمد حسافه تشيل
واخوانك تون اليوم ومدمعهه عليك يسيــل
زينب شافــتك مسموم ويلي ولجسم انحيل
بحرگه يالاخو تنـادي
سموا ضنوة الهادي
ويومك هدم افـــادي
بعدك بالحزن ضليت وگلبي الفگدك تكسر
▧▧▧▧❂❂❂▧▧▧▧❂❂❂▧▧▧▧❂❂❂▧▧
نكسرا ظهري يبو محمد من شفت الطشت موجود
بيــــه متگطعه احــشائك شفــته والچـبد ممرود
هدم حيلي وعمه اعيوني ودمعي سال عالخدود
گلبي اسهام صابنه
وابو فاضل يجر ونه
ترابك بيدي اهيلنه
مظلوم الحسن ياناس وگلب ام الخدر يسعر
▧▧▧▧❂❂❂▧▧▧▧❂❂❂▧▧▧▧❂❂❂▧▧
گلب ام الخدر حزنان وتبجي اعليه ويلي دموم
صعب فگد الحسن ياناس تنادي والگلب مهموم
يـمه يالزجـيه اتصيح فجعوني الـعده هـــاليوم
فجعوني العده بسمه
يبجي اعليه ابواليمه
اوزادت لـــوعته وهـمه
رحل عنه عضيده اليوم.وعلى فرگـاه مايصبر
▧▧▧▧❂❂❂▧▧▧▧❂❂❂▧▧▧▧❂❂❂▧▧
تمت بعون الله تعالى
بـ ــاقـ ــلام خـادمـات
كروب جبل الصبر زينب ع..
بأشراف ومتابعة
ازهار جبار الجياشي
مريم العبوديه أسيرة الاحزان
زهراء لحربي
سهام لمالكي
نسألكم الدعاء
بتعجيل الفرج لصاحب الزمان (( ع))
https://t.me/ssrgk
