قوافي عبد الحسين الحلفي ياقوافي من چبح هذا الزمان .. ا | قناة(‌الشاعر ستارابوسرور)

  قوافي
عبد الحسين الحلفي

ياقوافي من چبح هذا الزمان ..
الرمش بس يرمش أيخاف الجفن 
والثقة انعدمت بعد ماكو أمان ..
طلعت اويه الريح متفقة السفن 
والمصيبة انگلب تعريف المكان ..
الميت إيظل فوگ والحي يندفن 
ياقوافي واحنه ضد اي اتفاق .. 
يذبح الضحكة ويخلينه نون 
احنه بلــّة اكبار نقبل لمتحان ..
زين ليش البلمهد هم يمتحن 
يا قوافي وحته انتن گاضيات ..
القلم فك حلگه واكل منچن متن 
ياقوافي شغيرت ذات الانسان .. 
بس يجوع إيطك اخوته بالدهن 
الأخو يسأل أخوه عندك اخوان ..
والابن يسأل ابوه عندك ابن 
ياقوافي وبعد متهمنه الحياة ..
ليش متهمنه لأن صارت فلم 
گبل من ينطك خشم تهمل العين ..
هسة هية العين تضحك عالخشم 

روس مرفوعة أكو بس فارغات 
واكو روس انحنت من ثگل العلم 
الركب من الخوف ترجف بالحلم 
حته نون النسوة دوخهه الزمان ..
عافت النسوان وراحت عالزلم