ستوريات حسينية

2022-06-09 02:36:52 انه اليوجعني ڪلبي
انه الكثران شيبه
انه الماخذته صفنات ليل
انه العنده حيل وراح منه الحيل
انه الموجعته روحه
انه الكثرن جروحه
انه المخنوكه ريتي
انه الفاكد الوينه وينه
انه الم جروحه بيده
انه الراح مني الأريده
انه العايف روحه عالكاع
انه الماشال عمره
انه المكتول مو فتره
انه الحزني مو شمره
انه الماينجبر كسره
انه العايش بخير ام عون
انه المحتاج ذيج المتون
انه الكاتلني عباس
انه الموجعني الاكبر
انه الهاضمني الاصغر
انه المامرتاح دوم
انه حسين انه المهموم
انه الداير طرف عين
انه النايم وسمع ونين
انه العيني الخيمتي
انه الجرحو مهجتي
انه الشايف منيته
انه الدمعه بخفيته
انه العمره ناكه
انه الاخته مشتاكه
انه الفاكدهم هواي
او انه الماي وشح عليه الماي

…. باز کردن / نظر دهید

2022-06-08 09:44:19 لمولاتي العقيله

(تعالي لكلبي)


مامرتاحه جنج تعبانه من الهزل
نتضرنه وهسه جنه لـتم الشمل
_________

هـسـه رتـاحـي يـل مـاشفتي راحـه
بس ماشايفً ابد مهضومه مرتاحـه
هاذ الكلب من الضيم زادن جراحـه
تعالي كـلشـي فـارغ هـسـه كـمــل
_________
تعالي أرجعي صار هـواي صابـر
من الانتضار كلبي جمـره صـايـر
وين انطي الوجه وبغربتج حايـر
من جيتي بعد من كلشي ماأمـل
_________
يم عون العيون بالدموع غـوركـن
كالو طالعه اعيان هـاي نـاكـتـمـن
الكيت الناكه حسره وعيون يبجن
تعالي جني راح اكـوم مـن الـرمـل
_________
كالو للشام تمشي ايـتام يـا غـربـتــج
واحدج طالعه من اول نضره عرفتـج
بالشام تالي أتصير يم عـون مـوتـتـج
الحمد الـلـَّه من عون لـكلـبي حـصـل
_________
اه بس اعلى الوكت يفتر عكس ويانه
تـعـالـي لـكـلـبي ولله مجـانج هـنانه
وياج يالعقيله صدك يحله مـبـجـانـه
كلبي لـصـيـوب الـسـكـتـه جنه وصـل
_________
انـه الـحسيـن وللَّـه الـحنـانـج مـشتــاك
تـعـالـي يـمـي تـره كـاتـلـنـي الـفـراك
خلينه نلتم كافي مطشرين هنانه وهناك
دوم اخـتـنـك ونـتي ادرىٰ الخنكه تـكتـل
_________
كلشي بـالـحـسـرات يتسـولـف الغربه مـره
اسولف ويه روحي حسره تحجي وي حسـره
مـختـلف كلـشي الشـام وللَّـه مـابـي نـضـره
خليني اسولف الج الحجي بسد يـاأذن يختـل
_________
احـاول ارد اداوي كـل جرح بيـه بس هـواي
ادورلي جتف اعليه انـتجي بس رادو المـاي
كلشي خنكه النفس خنكه حته هـوه سمـاي
الشـوك ماخـذ روحي وعلـى كلـشي متحمـل

………. باز کردن / نظر دهید

2022-06-07 16:19:41 (يلهايم دمع)

اخ يلهايم دمع
وتتوجه بالشوك
اوصل والدموع تفيض
وليتاني معشوك
اسكت ورد احجي
داير طرف صارت اعلى النوك
شعور يراود احزاني
بس الحلم مسحوك
جمال الله بعيونه
وسبع الزام ماكو مثله حوك

يرد اعلى السهم
وليگوم او هوه مرموح
الهوه غصه اعلى ريتي
ولعطش مسموح
بغالي كلبي شتريت هواي ناس
بس لليوم الصوت مبحوح
ضليت اناشغ بالعطش
وجان اسمع صوت بس شهل نوح
عاينت وريت ماداير راسي
شفت الماشفت مثله بحياتي

تفرهد كلشي
لكيت الصدك صعبه
تنضرلي من بين الخيام
هاي الصدك غربه
الحيل راح ونفس راح
وبكل سكته ثغبه
نمت فوك تراب سهله هاي
بس التكتلك عزيزك ملجوم كلبه
نار شتعلت بين العيون
اول مره ميت متيه دربه

جرحه وسيع
ويلي دمعاته يجرن هضم
نايم وداير عينه لخيامته
كلي من يا وجع اكضّم
والجرح ماخذ كل تعابيري
ويا دمع أكدر انه اضم
تجرحني روحي
بطاري الخيم كلش اهم
انحب بدمعاتي
وبدخان الخيم اشم


…….. باز کردن / نظر دهید

2022-06-05 00:40:58 لسان حال مولاتي العليله

يـم الهـوه ولـمـوهوه اخـتـنك تـالي فـراكـك
عـليـه
اصفن بالحجي وتالي وحدي وفارغه ايدك من اديه
لو ترجعون ولله دوم اشـتاك الك وين اضل بيا نويه
انه اتنفـس حـﺳـَّيـن اذا انته رايح كلي وشـلون بيـه

ضليت اعاين ع درب ولضعن بده يبين غواشه
ولـغـوالـي وعبـدالله وكلـبي وشــلـت نـاسـه
يبـويه اريـدك ولله اريـدك لحضنتك محتاجه
عـكـبـك يـبـعـد الـروح مـن بـيتي اطلع جنازه

الـدار وحشـه المن ابـقه وبعـد ماشــوفك
الـلـَّه لا يطيـب عيـشه دونك او مااطوفـك
ادري دربك موت بسً صدك ماراح اعوفك
ادري مختنك وكلبك غـاص دربك طفوفـك

افرش فراش الـملاكه ونام او دمعتي بعيـني
ودور بـالحـلم بـلكـت عـزيـز الـروح يلاكيني
وصـبـح ونـته مـاكو ضلـيت ادور بسنـينـي
عـافــيـتـي نـكـصت بوـيه ولـمرض ياذيني

اكـعـد ولـهي الـروح فـتره يـا كـلبي وتـهـون
وعيني على البـاب هسهيا صبـري ويـجــون
هـاّيّـهيه يـحسـين تالي صرت من اليتـانـون
لا ترحون يبويه عـني لا تروحـون لا تبعـدون

ويه الهواشم يا محلا الـملاكـه ويـه الـهـواشـم
يا ال هاشم لا ترحون عـن كلـبي يـا ال هـاشـم
ادور وحجي وي روحي لازم الكاهـم يكلبي لازم
احيود اهلي وحجـايه وفـعل الـزلم والضـياغـم باز کردن / نظر دهید

2022-06-04 11:34:59 (حارس خيامي)

اخيامي ويخيامي ويخايمي
ثگلّت ليهن مشيت اجدامي
حامي وحامي وماكو الجن حامي
يم الشريعه شفته انه راعيجن دامي

جرحني انه عباس وجهة ينكط دمه
متوسد فوك تراب ويگوم كل همه

عباسي. احساسي. كاتلني
اهاتي. دمعاتي. فاركني

اخي كسرتَ ضهري. اخي كسرتَ ضهري. عباس

حاول يريد ايكوم يرفع رايته
حيله ماعانه راد يعدل نومته
كام او طاح تجويني حسرته
متوسد بتراب بس حسين سالفته

مكتول ومتئذي جي ماوده الماي
شلون بطيحتي وبس انه السكاي

نبرته. عبرته. خيامه
جربته. حسرته. كدامه

اخي كسرتَ ضهري. اخي كسرتَ ضهري. عباس

مومالت نوم كوم انهض لحسينك
لا لا لتون ياخويه يكتلني ونيتك
حنيت الك وياخذني حنينك
حنيتك ياخوي ياتجاتي حنيتك

هم عطشان او هم مطروح
طلعت روحك او طلعت مني الروح

روحك. جرحك. عايش بيه
لا تروح. مو مجروح. ارجع ليه

اخي كسرتَ ضهري. اخي كسرتَ ضهري. عباس

راح و كلشي راح ومات بدونك
غمّضت عيني من غمضت عيونك
كلي شلون العيشه يا خويه خيعونك
شح لوني يا عباس من شح لونك

شنهي وشعندي ويه السهم لاحكني
منين او مادير اعوني الكاا ساحكني

ريتك. منيتك. تتئخر
الكا. انخا. لا تتوذر

اخي كسرتَ ضهري. اخي كسرتَ ضهري. عباس

متخوصر وجيتك دمعي يحجي
ابجي وكلشي بيه عليك يبجي
طاح حارس خيامي وبعد مايجي
اعليك يبن امي كبرت حسرتي

انحب وصلتك وي نار العطش
منهو وياي بفجر يوم اهدعش

ناري.ساري. بيه الدمع
اخفي. بدمعي. والوجع

اخي كسرتَ ضهري. اخي كسرتَ ضهري. عباس

جيتك والهوه يدفع بمكفاي
عوف الماي وتعال انته الماي
هواي تاذيني فركتك صدك هواي
يهواي عباس ياخويه يهواي

وحدي كلشي ماكو يتجي ليه
عباس خويه فركتك تصعب عليه

فاركتني. وعفتني. وحيد
اجيتك. لكيتك. شهيد

اخي كسرتَ ضهري. اخي كسرتَ ضهري. عباس

…….. باز کردن / نظر دهید

2022-06-03 15:41:40 راح احبك مثل عابس خلع كلشي او لبس حبك
عاف كلشي وخله روحه فقط يم كلبك

اجاك وعاف كلشي حته دنيا
ابيض صبح كلشي بي مثل كلبه
رادك بس الك او مارد دنيه
وكره كل الوجود وتمعن بحبه

حسين يااصل الوجود انته وماكو غيرك صدك
وبس انته تستاهل يحسين جلمه عشك

ابيض عابس مثل كلبه

عرف ياهو انته اوجلبت ايده بيدك
وتالي عابس صبح واحد من عبيدك

يشتم عطرك من ابعيد
هاذه الي يريد يحب محبوبه
امسلم امره دومه بين اديك
وكبالك انته ادينه مجتوفه

خلع كلشي حته روحه كبالك انته
كلك صرت حسين والباقي عفته

ابيض عابس مثل كلبه

عبر حد معنى حب ويه الحسين
وصاحله بصوت عالي احبك ياحسين

حب الحسين اجنني خذاني
ماله وطن غير الحسين ثاني
يعايش ياهو مثلك يحب
حبك يبو حبي من كلشي غناني

عرف بمحبتك يحسن كل النهايه والبدايه
وترك كلشي الحب اجنني حبك صدك بهايه

عابس ابيض مثل كلبه

…… باز کردن / نظر دهید

2022-06-02 17:05:09 (لا تروح علي)


صدك ياعلي
فكدك ياذي جبدي

جم مره بمره اكلك لاتروح
تالي تروح وتهيج هل جروح
علي فكدك ياذيني علي

كلشي يروح وي ويروحك لو تروح
وبفكدك يا كل هلي شيكفي يانوح
الهوه انجرح جي بعد مايدخل لريتك
وبروحتك من تروح اصبح انه المجروح

حيلي عكبك يلاويني
علي فكدك ياذيني

1-لا تروح علي بويه لا تروح

ياجرح الفجر
من يطلع بروحي يجر

كلشي عكبك ياحيدر مهجور
العمر عكبك وكلشي كبور
علي فكدك ياذيني علي

صار الفجر وبهل فجر موتتك
بويه ليش الجفه مووكتها موتتك
يافاطم تلكي جالج علي بدمه
يابويه كلكم شورحتو ابقه مروتك

مالي احد ياويني
علي فكدك ياذيني علي

2-لاتروح علي بويه لاتروح

راحو كل هلي
وضليت بعازت علي

كلشي يجرحني عكبك والهوه جارح
مايهون كلشي وبمسمعي علي رايح
علي فكدك ياذيني. علي

بويه البيت ماينجهب عكبك
كلشي يخنك صار من نكص عمرك
كملت الخنكه مره امي ومره ابوي
مايبقه واحد بيكم ليه فاركني ثغرك

مره بويه حاجيني
علي فكدك ياذيني. علي

3-لاتروح علي بويه لاتروح

اجزيني ياصبح
لاتضل بجروحي تلح

ودعته علي وفك عينه ليه
احسه يكلي حط ايدك بديه
علي فكدك ياذيني. علي

كلشي ضلمه العمر اضلم شلون بيه
گدر كلبي ومحزن عليك صد عليه
كلشي يجرح العمر خذه عزازي
ونجرح حته الاحساس شنهو لبديه

فا ضت عيني
علي فكدك ياذيني. علي

4-لاتروح علي بويه لاتروح

خنكه دارنه
وخلصت عزازنه

والعمر لو ماكو ابوي شلي بي
غير من انجرح بلسم لجرحي اخلي
علي فكدك ياذيني علي.

ودعيتك والمواكد حدر ضلعي يسعرن
ولگلب اه بجمرته والمواجع اعليك ونن
ياحنين لا تفاركنه وتروح انه ابنك حسين
كلشي سكت حته السوالف بغيرك انسدن

ضاعت كل سنيني
علي فكدك ياذيني. علي

٥-لاتروح علي بويه

…….. باز کردن / نظر دهید

2022-06-01 16:24:07 وعن طاري الذنب يحسين موش الذنب يغيررحالي وياك باز کردن / نظر دهید

2022-06-01 11:45:47 ‏المَلاذُ أنتِ آويِنَّا يا سَّيدتي
يا مَعصوُمة آلِ مُحَمَّد .. باز کردن / نظر دهید

2022-06-01 11:45:45 قَالَ الامام الجواد(عليه السلام):
مَنْ زَارَ قَبْرَ عَمَّتِي بِقُمَّ فَلَهُ الْجَنَّةُ.
كامل الزيارات، ص: 324 باز کردن / نظر دهید