#قصة_حقيقية ا ضحية الثقة العمياء أنا شاب أنعم الله علي إني تزوجت الإنسانة اللي حبيتها من لما كنت صغير واللي هي بنت عمي ... ورزقنا ربي بأجمل طفل كنا متعلقين فيه وحياتنا أجمل ما يكون ... لدرجة ما أفتكر إنو نمنا يوم زعلانين من بعض ..... بس كان عند زوجتي صديقة هي بنت عمنا وتصير بنت خالة زوجتي ... زوجتي تحبها جداً وتعتبرها مثل أختها وكانت متزوجة ولازم يجتمعو كل نهاية أسبوع مرة عند زوجتي ومرة عندها .... بعد فترة تطلقت بنت عمي ، وعاشت زوجتي في حزن كأنها هي اللي تطلقت .... واذا لمتها على حزنها كانت تزعل وتقول : كيف يطلقها ؟! وش ذنب أطفالهم ؟! ... وتتكلم عن أخلاقها .. وتعاملها .. وجمالها ... مع اني حسب ما أفتكر شكلها زمان كان عادي جداً .. كنت أحسها من كثر حبها لها تشوفها ملاك .... وانشغلت زوجتي بموضوعها جداً رغم انها تعبانة وفي شهور حملها الأخيرة كانت دايما تحاول تساعدها وتعزمها يا عندها أو في مطعم ترفه عنها عشان نفسيتها ....... وكثرت جياتها عندنا البيت ... صارت تزورنا بشكل شبه يومي نادرا يعدي يوم بدون ما تجي ،،، وصار كلام زوجتي معايا كله عنها ... ومع مرور الوقت وكثرة كلام زوجتي عنها بديت أفكر فيها أحياناً .... صحيح في البداية ما كنت أهتم ... بس بعد كذا صرت أسمعها بإهتمام ولو يوم ما تكلمت عنها أحاول ألف وادور لما أخليها تتكلم عنها .... و صار عندي فضول أشوفها من وصف زوجتي وكلامها ... لأني أفتكر شكلها زمان بس قلت لنفسي يمكن اتغيرت لما كبرت ... بعد فترة ولدت زوجتي وجابت طفلنا الثاني اللي كان فرحة جديدة في حياتنا .. وجلست فترة النفاس عند أهلها .... بعد أسبوعين تقريباً من ولادة زوجتي كنت جالس في البيت لحالي طبعاً بما إن زوجتي عند أهلها ... وأقلب في قنوات التلفزيون لما سمعت جرس الباب ... رحت فتحت الباب .. لقيت قدامي بنت حاطة طرحتها على نص شعرها...وشعرها الطويل حاطتو قدام .. وفي كامل أناقتها ومكياجها ... لما شافتني كأنها انصدمت وتراجعت وصلحت طرحتها ... وسألت عن زوجتي ... قلت لها انها عند أهلها هذي الفترة ... قالت : أووووه معليش نسيت .... ونزلت من الدرج تجري ... دخلت البيت وأنا محتار مين هذي ؟! ..... ورحت الشباك أشوف يمكن أعرف السيارة وطلعت جاية مع لموزين ...... رجعت مسكت جوالي عشان اتصل على زوجتي أقولها عن اللي صار وأسألها يمكن متفقة مع وحدة تزورها .... و قبل ما اتصل دق جوالي وكان المتصل رقم غريب !
رديت وسمعت صوت بنت قالت لي : آسفة عالإزعاج بس لو سمحت لا تقول لزوجتك إني جيت ... أخاف تفهم غلط .. أنا نسيت انها عند أهلها ... عشان اتعودت دايما اجي عندها هنا واتلخبطت ... وعرفت منها انها بنت عمي ... شكلها اتغير لدرجة اني ما عرفتها ... وعدتها اني ما راح أقول لزوجتي .....قفلت وبدا بالي ينشغل فيها .. خصوصاً لما رحت عند زوجتي اللي كانت في فترة نفاس ... حسيت بفرق بين أناقة بنت عمي وحالة زوجتي ... وبين العطور اللي تفوح منها وريحة الأعشاب في غرفة زوجتي .... وصار بيني وبينها مكالمات تطورت وتعلقنا في بعض ... كانت تطلع عيوب في زوجتي وتنفرني منها ...لدرجة لما خلصت فترة النفاس صرت أماطل عشان ما أخذها البيت .... ولما حسيت إن مشاعري تجاه زوجتي تغيرت واني صرت أحب بنت عمي قررت إني ما أكمل خيانة وانفصلت عن زوجتي لأني عارف ما حيزوجوني وأنا متزوج بنت عمها ..... وانتظرت فترة كم شهر وخطبت بنت عمي وافقو وتمت اجراءات الزواج بأسرع ما يكون .... اعترفت لي بعد الزواج انها تعتبر زوجتي السبب في طلاقها لأنها كانت تحكي لها عني وحببتها فيني لما كرهت حياتها مع زوجها ... وصارت تقارن حياتها بحياة زوجتي لين ما كرهت زوجها وطلبت منه الطلاق ! . بعد الزواج بدأت أحس الفرق الكبير بين زوجتي الأولى وبينها الأولى تتفوق عليها في كل شي . كنت ألوم نفسي كيف أعجبت فيها فعلاً شكلها أقل من عادي قدرت تخدعني بمكياجها لما شفتها وفي الواقع ما تهتم في نفسها ولا في البيت .... بعد ما كنت عايش في نعيم وبيت مرتب وأتشرط في أصناف الأكل مع زوجتي الأولى ... صرت أفرح لو يوم حنت وطبخت مع الثانية ... غير حقدها وغيرتها من زوجتي الأولى .... وبعد فوات الأوان اكتشفت انهاكانت مخططة لكل شي جابت الرقم وسوت نفسها غلطانة عشان تخليني أشوفها . كرهتها لما شفت قد أيش قلبها أسود وكيف غدرت بصديقتها . ما قدرت أتحمل حسيت كأني كنت مسحور لما اتزوجتها .. ٤ أشهر ثقيلة ووصل صبري لآخر حده .... وطلقتها وكلي حنين لزوجتي الأولى للحب الحقيقي ...أكبر أمنية في حياتي إنها ترضى ترجع لي تحسرت كيف ضيعتها من يدي بعد ما كانت ملكي وحدي وتدور رضايا حرمت نفسي منها بتصرف غبي ونزوة أغبى . اتصلت ولما فاتحتها في الموضوع رفضت .... ما يآست واستمريت أحاول معها بأكثر من طريقة لكن مصممة على رأيها ! . مع إنو أنا صحيح غلطت ومعترف بغلطي بس الغلط الأكبر منها هي لأني مستحيل كنت أفك
