بسم الله الرحمن الرحيم ========== عبدالرحيم دقلو... حالته مرض | السودان
بسم الله الرحمن الرحيم ========== عبدالرحيم دقلو... حالته مرضية ** جاءوا الاجاويد اولاد البلد الذين يروا بعيون القلب ..قال لهم قبل السلام عليكم ..جابكم شنو؟ والله عم محمد الا ندق لبرهان وكباشي قيد في اديهم ...الموضوع دا خلاص انتهي ...الجيش الشايفو دا بو ساكت .. وهو كارب وشو دننننق ....ويكرر الموضوع دا خلاص انتهي ... قال احد الاجاويد ..والله نحن جينا نلاقي حميتي ...يعني انت مامعني بالحوار ...لاقهم حميتي خارج المكان المخصص للضيوف الكبار امثالهم ...استخفافا منه ...باعتبار انكم بكرة برضو تشوفوا الشافوه الشيوخ في الفاشر ...وهو يسأل المستستار وين الجماعة ...؟ يقصد (عرمان ..سلك ..والشلة كلها)...قال المستشار جايين... (ولكن هم وصلوا في الهايس من قبييييل مع عبدالرحيم وشلاقة ..سلك .. مع فراسة ..مني.. جابت خبرهم...) بعد ما الجماعة ديل يقموا ... وهنا حسوا الجماعة احسن يقوموا ...فقاموا تركوا المجال لجماعة الهايس..فكانت رسالة احد الاجاويد لحميتي واخوه الكبير ..والله ياشباب انا حاربت الجيش اربعون عام واليوم اذا قالوا تخش الجنة بالحرب افضل ادخل النار بلا حرب .... قامت الحرب المفترض لها ثلاثة ساعات من ٩الي ١٢ بالكتير ...اتصلت الي احد المتسشارين الذين بالقرب من اماكن الحدث ..قال لي بهدو البيان الساعة واحدة ... فظليت منتظر امام الشاشة بين الجزيرة ..الحدث ..العربية ...جاءت الواحدة والثانية والثالثة الي الخماسة ...حتي مغيب الشمس لم اسمع الا دوي الانفجارات ...حينها صرح حميتي اننا استولينا علي كل المطارات ...حتي جاءت صورة قصف برج الدعم السريع ... هذا التحول الدراماتيكي في ميزان القوي ...جعل من التلفونات تتطاقش ...السؤال الاساسي فيها يا جماعة الحاصل شنو ؟ عرمان ..يسال ..المنصورة ..تسال ...سلك يسال ...طحنون بن زايد يسال ...دحلان يسال ...روتو يسال ...ابي احمد يسال...الكل يسال ..لا اجابة ... موجات الدعم السريع بالكثافة النارية تتوالي علي القيادة العامة ...بمئات العربات والاسلحة الثقيلة ...حتي صارت الموجة من ٣٥عربة ... مرت لحظات...وكمان ساعات ..وايام ...شهور ...طلع البرهان الي القاعدة ...طلع كباشي الي القاعدة ...وسط الجنود ...طلع عبدالرحيم الي الزرق ...حميتي الله يعلم طلع ماطلع... الله يعلم ...عموما غير موجود وسط الجنود ...ابونعيلات قال الرجل في ابوظبي ...المستشارين والاعلاميين اختفوا بين مصر وكينيا ويوغندا ...واديس ابابا...واخرون غطسوا في ظلام افريقيا الطير الطاير ما يجيب خبرهم... اكملت الحرب عامها الاول اتسعلت دائرة التامين حول القيادة ...المدرعات ...حول سلاح الاشارة ... قوات الدعم السريع محيدة في اليرموك ..الاحطياطي ...محاصرة في الجزيرة ...متعسرة في دارفور ...كردفان ... محاصر الامداد الاماراتي ... محمدكاكا يطلب لقاء السودان... جنوب السودان تحجز الغنائم في ارضها ... مؤتمر باريس يبدو مستبعد فيه الدعم السريع لانه كلام مدنيين ومنظمات انسانية ...وان رفضت الحكومة السلوك الفرنسي ولكن لايفيد الدعم السريع ...حضور سلطان مساليت احرج الحضور وايغظ الضمير الانساني مذكرهم بالهولي كوست ...واحرج وليد مادبو نسيب السلطان... وين انت يا عبدالرحيم ؟؟؟ قول فرررر ..وليه قمت بخاطر الاجاويد ؟ مصير البرمي اضانه الي مماحيق وعواطلية القحاحيط الفيطة بقع علي وجه...والذي لا يقدر لقدمه قبل الخطو موضعها الدرنقاس برميه ... مر عام ...انتهت قوي عسكرية صلبة ...انتهت كيمان المال الجزلان الكبير كما سماه فكي منقة ...انتهت ريحة السلطة ...لا مال ..لا سلاح ..لا جواز سفر .. عبدالرحيم اصبح خطر علي نفسه مالم يدخل مصحة ...المصائب التي جاتوه بلا دالاية ماها هينة ... ........ هذا كلام متناثر من هنا وهناك للذين عقولهم في رؤسهم ...عين الحقيقة مبصرة .. .... اليوم الاول بعد العام الاول الموافق ١٦ابريل ٢٠٢٤م عبدالحميد ابكر جادو
