2023-04-26 01:31:05
طلعو الجاليات عشان عارفين لما يطلعو الضيوف حيحصل شنو في ناس البيت
- ( أعنده علم الغيب فهو يرى ) النجـم 35
اصلو الحاصل ده بسبب الكيزان والتجار والجشع والطمع والانحراف الدخل فينا
( ألا تزر وازرة وزر أخرى ) النجـم 38
اقرو براكم وانا كرهت البلد دي وم ظنيت اني اواصل قراية ومستقبلي خلاص ضاع
-( ولا تيأسوا من روح الله إنه لا ييأس من روح الله إلا القوم الكافرون ) يوسف 87
الناس ديل حيدخلو البيوت حيطلعوكم من بيوتكم في قوات جاية من واق الواق وارض زيكولا جاية تصفي الخرطوم
-( الذين قال لهم الناس إن الناس قد جمعوا لكم فاخشوهم فزادهم إيماناً وقالوا حسبنا الله ونعم الوكيل "173" فانقلبوا بنعمة من الله وفضل لم يمسسهم سوء واتبعوا رضوان الله والله ذو فضل عظيم "174" ) آل عمران
شكلها حتطول شديد وحنقعد سنة لقدام وم ظنيت نطلع منها
- ( لا تدري لعل الله يحدث بعد ذلك أمرا ) الطلاق 1
انت هسي قادر تقرا ولا تواصل في هوايتك عادي كيف؟؟ يا زول البلد بتحرق انت في شنو والناس في شنو؟؟
- "إذا قامت الساعة وفي يد أحدكم فسيلة فإن إستطاع أن يغرسها فليفعل " اخرجه مسلم واصحاب السنن
(فما ظنكم برب العالمين) الصافات 87 ؟؟؟
ياربي طيب حينتصر منو وحيحصل شنو ؟ اقيف مع الدعم ولا الجيش الدعم بقول حنعملها مدنية والقحاتة وتجمع المهنيين واقفين معاه ،والجيش راخي جسمو وماسك الجو بس وكلنا بنكره البرهان وحميدتي ، طيب والشعب ده
- ( وما اختلفتم فيه من شئ فحكمه إلى الله ذلكم الله ربي عليه توكلت وإليه أنيب ) الشورى 10
ليي نصبر؟ ليي نتحمل ؟ ليي ده كلو هل نحن قوم سيئين الدرجة دي ،حأقولك إننا ممكن نكون الاتنين والعبرة في كلمة واحدة "الصبر" ولو حققنا الكلمة دي حتكون سبب في صلوات الله علينا وسبب في هدايتنا
- (ولنبلونكم بشئ من الخوف والجوع ونقص من الأموال والأنفس والثمرات وبشر الصابرين "155" الذين إذا أصابتهم مصيبة قالوا إنا لله وإنا إليه راجعون "156" أؤلائك عليهم صلوات من ربهم ورحمة واؤلائك هم المهتدون"157" ) البـقرة
طيب نحن عارفين الآيات دي وبنرددها بس مافي شي بتحسن
حأقولك كل القصة هنا ، في قلبك إذا إنت على يقين تام وتمام إيمان بالله ثم محباً لله م حتشوف إنها ماشة تسوء بل بتفرج أكتر وربنا يأخذ بالقلوب والنوايا فجدد نياتك
واعبد ربك حبا وما تعبدو عشان ينجيك زي اصحاب السفن في البحر إذا جرت بهم تضرعو ولما وصلو للبر نسوه
254 viewsدٰكٰہٰٖتٰہٰٖوٰرٰةً 𐇯 ️𖥔, 22:31
ن
