دەربارەی عیلم وزانایان وتراوە : ـ---------------------------- | گەڕانەوە بۆ قورئان و سوننەت

دەربارەی عیلم وزانایان وتراوە :

ـ-----------------------------------------

أبو مسلم الخولاني ـ ڕەحمەتی خوای لێ بێت ـ دەفەرموێت :

زانایان لەزەویدا وەک ئەستێرەکان وان لەئاسماندا ، ئەگەر دەرکەوتن بۆ خەڵکی ئەوە رێی ڕاست دەگرنە بەر بەهۆیەوە ، وە ئەگەر دیار نەمان سەریان لێ دەشێوێت وتیا دەچن .

ـ-----------------------------------------

أبو أسود الدؤلي ـ خوا لێی خۆش بێت ـ دەفەرموێت :

هیچ شتێک نیە بەشکۆتربێت لە عیلم ، پادشاکان بڕیاردەرن بەسەر خەڵکەوە ، وە زانایان بڕیاردەرن بەسەر پادشاکانەوە .

ـ-----------------------------------------

سوفیانی کوڕی عویەینە ـ ڕەحمەتی خوای لێ بێت ـ دەفەرموێت :
(( پلە بەرزترینی ناوخەڵکی لەلای خوای گەورە : ئەو کەسەیە کە لەنێوان خودای گەورە وبەندەکانیدابێت [واتە : فێریان بکات چۆن ڕەزامەندی خودا بەدەست بهێنن ] کەئەوانەش : پێغەمبەران وزانایانن )) .

وە دەفەرموێت : هیچ شتێک نەدراوە بەهیچ کەسێک لەدونیا باشتربێت لە پێغەمبەرایەتی ، وە هیچ شتێ نیە لەدوای پێغەمبەرایەتی باشتر بێت لە عیلم وتێگەشتن [لێی] .
وتیان : ئەمە لەکێوە وەرتگرتووە ؟
فەرمووی : لەهەموو فوقەهاوە .

ـ-----------------------------------------

سەهلی تەستوری ـ ڕەحمەتی خوای لێ بێت ـ دەفەرموێت :

هەر کەسێک دەیەوێت بڕوانێتە مەجلیسەکانی پێغەمبەران ئەوە با بڕوانێتە مەجلیسەکانی زانایان .

ـ-----------------------------------------

زوهری ـ ڕەحمەتی خوای لێ بێت ـ دەفەرموێت :

خودای گەورە نەپەرستراوە بەشتێک هاوشێوەی تێگەشتن بێت لەعیلم .

[واتە : تێگەشتن لەدینی خوا باشترین عیبادەتە ] .

ـ-----------------------------------------

شافعی ـ ڕەحمەتی خوای لێ بێت ـ دەفەرموێت :

ئەگەر ئەو فەقیهانەی کە کردەوە دەکەن بەوەی دەیزانن ئەوانە خۆشەویستی خوا نەبن ئەوە خودای گەورە خۆشەویستی نیە .

ـ-----------------------------------------

بڕوانە : ( تذکرة السامع والمتکلم لابن جماعة لاپەڕە 42 ـ 43 ) .