كنت لوم البنت يلي بتركد ورا المصاري وكنت قول عن اهلها كلاب عمل | أقوال مواطن مفلفس"official"

كنت لوم البنت يلي بتركد ورا المصاري وكنت قول عن اهلها كلاب عملة لان ما بعطوها للفقير..حتى الكنت حبا مارضيت امها فيني وقالتلي مابدي اكذب عليك ياخالتي بس بدي مستقبل لبنتي يكون مأمن..وقتا ما تركتلا مسبة وصرت دافع عن الحب وانو الحب اهم من المصاري والمظاهر وكل شي..بس بعدين ايقنت انو كان معها حق..حب الرفاهية مو مسجل بأسم الشب..كمان البنت من حقا تتكرم بعيشتا وماتنحرم من ملذات الحياة..الحب مابطعمي خبز وانت ك شب فقير لما تاخد بنت بتحبا وهي بتحبك ولو كنتو بتموتو عبعض صدقني رح تصير بيناتكن مشاكل لفوق الله من ورا الفقر ..الفقر يا صديقي بجيب الهم والنكد والديون والعقد النفسية..الفقر بقضي عالحب وبخليك عطول مكرز وعم تخانق دبان وجهك..حتى جنسياً رح تكون مقصر بحق مرتك يلي هي كانت حبيبتك لان نفسيتك عدم من ورا التفكير..رح تزعل من حالك لان بيتك فاضي وانت مو طالع بأيدك شي ومقصر بكل شي..لهيك ازا كنت بتحبا اتركا لشي شب مليان احسن ما تدفنا بحياتك المنكوبة ولا تزعل ازا طلبتا وماعطوك لان صدقني الرفض لصالحكن تنيناتكن..