احلى شي انو بعد كل يلي صار قال بدهن اللاجئين يلي هجو على اوروب | أقوال مواطن مفلفس"official"
احلى شي انو بعد كل يلي صار قال بدهن اللاجئين يلي هجو على اوروبا يرجعو عالبلد ويعمروها وهاد الشي مستحيل يصير لأسباب كتيرة السبب الرئيسي انو ما حدا فيه يضمن حرية هي الناس او يحميها من الاعتقال او الاختفاء والسبب التاني انو ما في شي بيستاهل يرجعوا يعني جعل ايري بترابو لهالوطن يلي بده يذلني مشان ربطة خبز وايري بياسمين الشام بالمعية وأصلآ ما في حدا بدو يرجع غير يلي اهلو موجودين بسوريا وهاد انا بنصحو انو يحاول يطلع اهلو لعندو ويضل محل ما هوي .. والسبب التالت هوي المعاناة يلي شافها اللاجئ هوي وبالطريق على اوروبا يعني عدم المؤاخذة وقت كان اللاجئ عم ينط عن الجدار يلي عحدود تركيا كانو ولاد المسؤولين عم ينطو عالنسوان ووقت كان اللاجئ ينام بشوارع اليونان كان ابن المسؤول الفولاني نايم بأحلى الفنادق ووقت كان اللاجئ عم يموت الف موتة بالبحر كان ابن المسؤول الفولاني قاعد بحمام السباحة تبع فيلا ابوه يلي بيعفور ووقت كان اللاجئ يضل شهور عم يمشي بدول البلقان كرمال يوصل لاوروبا كان ابن المسؤول الفولاني عم يكزدر بالسيارة ويلطش بنات .. بقا يا ريت تحلو عن طيزنا نحنا يلي برا البلد وروحو شوفو يلي سرق مال الشعب ويلي حرق المدن وخلوه يعمرها والسلام عليكم ورحمة الله وبركاته
