2022-02-28 19:25:27
بتعرف انو من أسبوع وصلني عرض عمل بشركة بالإمارات وبدون ما اتواصل معهن؟
كيف صار هيك؟
هاد هو محور فقرتنا #خاتم_توظيف .
رح نعلمك كيف الشركات تطلب منك تشتغل معها .
طبعاً ال CV لساتها شي ضروري وأنا بعتت ال CV تبعي لما طلبوا مني اشتغل معهم، بس كانت كماليات ولحتى نمشي بالبروتوكول.
اليوم رح نحكي عن التسويق بالمحتوى.
وكيف بتعمل تسويق بالمحتوى بطريقة صحيحة.
التسويق بالمحتوى هو استراتيجية تسويقية بعيدة المدى وبدها صبر كتير، هو عبارة عن محتوى بيساعد وبيوجه الناس لحتى تتعلم عن المنتج والخدمة تبعك قبل ما تشتريه، وبتوجهون لحتى يشتروا من حدا واثقين انه بيفهم بالمجال.
ليش لازم تعمل تسويق بالمحتوى؟
- بتبين انك بطل قدام الشركات وبتتميز عن منافسيك.
- بسمح لك تورجي العالم انك بطل.
- إثبات قوة منتجك وخدماتك وتوضيح أهميتها للزبون.
- الحصول على عملاء أكتر.
- تزكير عملائك فيك بشكل مستمر.
- بتنقل المشتري بمراحل قمع المبيعات ليوصلوا لعملية الشراء.
حط استراتيجية تسويق بالمحتوى وبس بلش، ورح تلاقي الشغل جاي لعندك.
أنا خالد، لا تنسى تتابعني إذا كنت مهتم بالتسويق والعمل عبر الإنترنت.
@khaledbzmawe
1.4K viewsAhmad Asjee, edited 16:25