ولله الحمد والشكر في شهر أكتوبر الماضي غسالتي تعطلت واتصلنا عل | 💞قصص ختم القران في 3 ايام
ولله الحمد والشكر في شهر أكتوبر الماضي غسالتي تعطلت واتصلنا على الشركة بعتولنا اتنين مندوب وقالوا فيها أعطال كتير بحوالي خمسة آلاف جنيه وسعر الغساله من ٥ سنين كانت ب٥ آلاف لما جبتها قولت اشتري واحدة جديدة افضل لقيناها ب١٨ ألف واحنا المبلغ ٥ آلاف كان صعب ندفعه لأن المصاريف كتير مدارس واولادي بيمرضو كتير ربنا يسر المبلغ وجالنا المندوب اليوم عنده ضمير صلحوها ب ٢٠٠ جنيه بس وكان سبب العطل عملة فضية وقفت الغساله وبعد ما ظبطوها اشتغلت أحسن من الأول
ده بفضل الله ثم ختم القرآن في رمضان
وكان عليا مبلغ دين وكنت عاوزه اشتغل ربنا سهل ليا مكسب كبير في تجارة الملابس من وأنا في البيت وحد عرض عليا يشاركني والموضوع اتوسع الحمد لله وجالنا العيد وجمعت عيدية اولادي أول مرة امسك عيدية بالمبلغ ده للاولاد والبيت زاد فيه كمية الأكل بشكل غير عادي وجبت احلى كسوة لاولادي بأفضل سعر واحلى خامة وغير جوزي هيكسيني كسوة بمبلغ كبير رغم أنه مقالش إني كسبت ومعايا فلوس
وحاجات تانيه كتير وده كله غير الطمأنينة والسكينة والطمأنينة اللي أنا فيها وربنا منور بصيرتي في حاجات كتير شكرا لأهل الجروب على التشجيع والدعم
═══ ❁❁❁ ══ للاشتراك اضغط على رابط القــنــ ــاة قناة قصص الختم t.me/t5teemo قروب ختم القران تلاوة للنساء t.me/joinchat/GexnP0RItIdhSAVWcZbBvw
نسمح بالإرسال ، مع الأحتفاظ بالرابط ؛ ولا نحلل نزع الحقوق
