چولده چیچک اولدوم چمنده ناخیش بولوتدا اود اولدوم شیمشکده یاغیش سیرلی بیر گوز گوردوم نورلو بیر ایشیق چئوریلدیم چشمه یه قاریشدیم چایا سنی سئومک اوچون گلدیم دونیایا
من مین ایل اوولده گله بیلردیم مین ایلده ن سونرادا اوله بیلردیم زامانی باشقا جور حسابلییاردیم واختی باشقا جور بوله بیلردیم دوشوب سن دوغولان هفته یه آیا سنی سئومک اوچون گلدیم دونیایا
سسینی ائشیتدیم سندن سس آلدیم شوورق گولوشوندن گوج هوس آلدیم سن نفسیم اولدون من نفس آلدیم موشدولوق وئردیلر گونشه آیا سنی سئومک اوچون گلدیم دونیایا
نئچه دینسیزلری دینه گتیردیم قورودوم سنبلی دنه گتیردیم کونلومده نه وارسا سنه گتیردیم منیم یوللاریمی کسه بیلمه دی نه سرحد نه دمیر نه داش نه قایا سنی سئومک اوچون گلدیم دونیایا
