كمل قراءة للاخير . بما انو كترت حالات الانتحار بمجتمعنا انا | .٣٦
كمل قراءة للاخير .
بما انو كترت حالات الانتحار بمجتمعنا انا اليوم حابب وجه رسالة او منشور او نصيحة متل مابدك سميا اخي / اختي بعرف كلامي ممكن مايقدم او يأخر شي حابب احكيلك سمعني بكل صدر رحب انا متلك بشبابي عشت طفولتي حرب وهلق وعيت ع حرب وحصار واقتصاد سيء انا رسبت بجامعتي من كم يوم بينت النتائج انا عليي جيش انا ندهولي بالفاشل انا شب مسكرة الحياه بوشي انا ظلمتني الحياه وظلمني المجتمع انا متلك بفكر مرات بالانتحار بس قبل ما تبلش خطوتك يلي رح تنهي حياتك فيها وهي مو ملكك بدي منك شي واحد فكر انت شوعم تعمل بحالك انت شو رح تخلي لاهلك لامك وحرقة قلبا العالم رح تتزكرك يوم يومين بس اهلك ...! اهلك رح تكون فاجعة الن بغض النظر عن انك نهيت حياتك انت بارادتك بس رح يحسو حالن قديش مقصرين وقديش هنن فعلا ماكانو مناح لحتى انت نتحرت اليوم في رفيقة الي منزلة نعوة لشب الشب بكون حبيبا الشب نتحر نحنا كلنا شرعا منعرف حكم المنتحر خالدا مخلدا بنار جهنم هنن حطو حجة انو ظروفو صعبة ياشباب ياصبايا كلنا ظروفنا صعبة يابشر كلنا ظروفنا صعبة قد ماكان ظرفك صعب عليك بالصبر اصبر بسم الله الرحمن الرحيم : { يا ايها الذين امنو استعينو بالصبر والصلاة ان الله مع الصابرين } صدق الله العظيم ياشباب هاد كلام رب العالمين مو كلامي الله امرنا بالصبر قد ماكانت الحياه صعبة علينا لازم نصبر لاحظو الله قال الصبر والصلاة اصبرو على ما ابتلاكم به الله كلنا وضعنا سيء مابدي بيوم من الايام اسمع فلان انتحر انا وحتى لو مابعرفو قلبي بتقطع عليه بايدو راح ع جهنم ياجماعة الحياه هي جسر رح نعبرو ونستقر بالاخير خلينا نستقر بمكان احسن من هون انا حبيت اكتبلكن هل الحكي كلو ك نصيحة من اخ لاخواتو انا موجود لكون كتف لحتى اسمعك يمكن بكلمة انت تتحسن نفسيتك لكل شخص مالو حدا يحكيه انا موجود انتو بالنسبة الي عيلة
