فيروز .. عيونه انتسوا .. ضحكات عيونه اختفوا .. يلي حبيتيه تنسيتي النوم هو نسيكي .. يلي حبيتيه متل ما حدا حب هو ما حبك من الأساس .. بكفي توعدي حالك بعيونه ما رح تشوفيه .. بكفي تروحي وترجعي ما رح تلاقيه .. كان معك حق لما حكيتي ما رح ترجع بعرف انهن غيروك .. كان معك حق لما رجعتي ايديكي وتركتيه .. خوفك كان بمحله .. ضليتي تحبيه وتهربي من نسيانه .. حبيتيه بالصيف وبالشتا ونطرتيه بالصيف وبالشتا .. وهو ولا متذكر انك كنتي بحياته .. القصة يلي بديت عندك تحت الشتا لسا ما خلصت بعده بقلبك .. والمزهرية يلي هديتيه ياها ما كان الها قيمة عنده وضيعها .. بينما الوردة يلي هداكي ياها لهلق بعدا بكتابك .. فيروز .. كنا صغار لنفهم انو اغانيكي كانت مليانة رسائل .. ما كانت بس اغاني .. كانت احاسيس ومشاعر لخصّت وجع كتير .. لاكتشف انو كتير حسيت بأغانيكي وفهمتن لما مريت بمواقف كانت اغانيكي الوحيدة يلي بتعبر شو فيني .. .
