لمن تُريد الختم في ٣أيام للوهلة الأولى ممكن تقولي ختمه في٣ايا | 💎سهولة تعلم التجويد والتفسير💎
لمن تُريد الختم في ٣أيام
للوهلة الأولى ممكن تقولي ختمه في٣ايام يعنى ١٠أجزاء كل يوم كدا صعب والكلام مش لي ...!!!
بس لو جيت كدا ونظرت ليومك هتلاقي فيه ساعات فراغ كتيرة أوى ... وخاصه أصلا نحن مقبلين على شهر رمضان ف تحسي البيئة مهيأة أكثر لفعل الطاعات ...
المهم أنا عملت البوست دا عشان أقولك أنت قدها إن شاء الله وتقدري بعون الله تختمي في ٣ أيام ....
هتقوليلي ياريت أقدر عرفيني الطريقة ....^_^
بصي أولا لازم تستعيني بالله ولازم تعرفي إنك مش هتعرفي تقرئي حرف دون الاستعانه بالله ...
يعني اول حاجه تفرشي سجادتك الصلاة وفي الثلث الأخير تقومي تبكي وتدعي وتقولي يارب أعني على ذلك أنا يارب ضعيفة أعني
ثاني حاجه هاتي ورقة نوايا قراءة القرآن من النت واستشعريها ياريت تكتبيها عندك ف ورقة وتحطيها جنب المصحف بحيث كل ماتقرئي تجددي نيتك ...
ثالث حاجه حددى وقتك ١٠ أجزاء بالكتير محتاجين ٤ساعات ...
يعني بعد الفجر ممكن تستغلي الوقت دا وتقرئي ٣اجزاء يعني تجلسي ساعه
وقبل الظهر ممكن تستغلي كدا ٤٠دقيقة تخلصي جزئين وبعد الظهر هاتي جزء
كدا خلصت ٦ أجزاء وأنت بأول النهار ... ووالله هتلاقي يومك بقى مبارك ...
لو أنت من الناس اللي بتطبخ بعد الظهر كملى وردك بعد العصر لو لا ابقى اقرئي بعد الظهر
يعني ممكن بعد العصر تجلسي ساعه تنجزى فيها وتخلصي ٣ أجزاء كدا بفضل الله خلصت ٩ أجزاء فضل جزء ممكن تصلي به التراويح
شفت!!! الأمر ميسر إن شاء الله بس محتاج زى ماقلت لك استعانه بالله وصدق وتجديد نيه
هتقوليلي طيب والتدبر هقولك خصصي ساعه بعد التراويح أو أي وقت من يومك المهم ساعه تكوني صافية الذهن تجلسي ساعه وتخصصي مثلا كل يوم ٤ صفحات مثلا تقرئي التفسير وتستخرجي تدبرت واعمال منها وتكون نيتك إنك إن شاء الله هتكملي التدبر بعد رمضان
ومهم جدًا تقفلي الانترنت وتبعدي الهاتف ولا تفتحي هاتفك إلا للضرورة لإن الهاتف من أكبر الأسباب اللي هضيعكِ ف انتبهي وكوني ذكيه ...
