الشاعر تحسين الخفاجي

2022-08-01 13:43:25

باز کردن / نظر دهید

2022-07-31 17:28:11 جيبولي عبد الله للخيام
فوك الرمح ما يعرف اينام
توه غفه بعد امه خلوني بس اشتمه
******
توه غمض عيونه اوليدي لا تكعدونه ومني لا تحرمونه الولد غالي
جان بحضني كل ليله اكمطنه ولوليله جا ياهو اليناغيله المهد خالي

متعود عليه اهواي ويفاركني ما يكدر
اكبرنه ردت للشيب مو فوك الرمح يكبر

بكماطه تسحل ليش الخيول
من راح اخذ حته الدللول
حرموني من هالكلمه خلوني بس اشتمه
*****
ليش الدم عله هدومه وابني طول النومه متغيره اشكد ارسومه كسر كلبي
جيبو ابني تعب جنه بحضني خل انومنه يمه اشلون اضيعنه صحت تعبي

يشيال الرمح ناديت وين اتريد بوليدي
بجيت وللولد حنيت ومن دمعي ترس ايدي

اركض علي من رمحه لو طاح
عبد الله وينه وين الارماح
تلجمني من اتلجمه خلوني بس اشتمه
****



انضر زهرت ايامي جبده امن العطش ضامي راح وخيب احلامي وهدم حيلي
جان برقة الورده ليش الدم صبغ خده ميت وانه اهز مهده وون ليلي

يا ناس البزر غالي عزيز وماكو اعز منه
كون ايفتش عيونه وماي عيوني اشربنه

انه الرباب وفكري محتار
ياموت ليش اتبوك الزغار
كتلتني والله الهضمه خلوني بس اشتمه
*****
ضامي ويابس السانه وحيل اشفافه ذبلانه راح وعيني سهرانه صعب هجره
ذبحت ركبته النبله وتغير شفت شكله نزله امن الرمح نزله نزف نحره

لا تفتر صحت بالراس مو عبد الله اخذ روحي
اشعندك ببني رايح جاي ليش تهيج اجروحي

مو للذبح عبد الله يا ناس
شو بس عليه ايباوع الراس
لا اكدر اوصل يمه خلوني بس اشتمه
****







مستغرب رمح شاله وما مستوعب الحاله يبجي وعينه هماله ويناديني
شلته وضربو امتوني ومن اوليدي حرموني كل ساعه يشتموني وتهل عيني

سولفنه اشكثر نضرات واخذنه الليل بالغربه
وجبت الماي اكولن عود بلكت يفز ويشربه

ضلينه نتعاتب بالعيون
وبالراس اشوفنهم يهوسون
سابح لكيته بدمه خلوني بس اشتمه
******
يا ناس الرمح عالي وجتاله اجه اكبالي ابنج هذا كلالي رضع سهمي
لمن بيد ابو شفته سهمي بنحره صوبته فل اكماطه من لحته وسكاه سمي

ادري بعمره ست اشهور لجن ما همني ابد عمره
صوبته وجفيت الماي وحسين انكسر ضهره

كض السهم شفته باليدين
وبذبحته شيبت الحسين
ومات الحسين بهمه خلوني بس اشتمه
****
تمت
تحسين الخفاجي باز کردن / نظر دهید

2022-07-31 16:51:51

باز کردن / نظر دهید

2022-07-31 03:23:25 مانمت ابليلي

القصيدة للتحميل اظغط على الرابط






اصدار بكاء الفاقدين
اداء والحان علي المسلم
كلمات تحسين الخفاجي
الهندسه الصوتيه
بارق جواد
ماسترنيغ + توزيع
عباس الشمري

تم التسجيل في شركه الاركا باز کردن / نظر دهید

2022-07-31 01:08:42 ‏مقطع صوتي من تحسين الخفاجي باز کردن / نظر دهید

2022-07-31 01:05:30 سحكتنه لجمتنه يموت بهيده عوفنه
ارحمنه كتلتنه بسجن لا تعذبنه
حوافرجن شجاهن هشمن صدره
صحت توه الشمر كام وكطع نحره
*******
عفته غافي بالصحاري وعالترايب دمه يجري
ايكلي زينب خويه الحكي خلي فوك الكاع ضهري
ردت اشبكه وخفت الجمه حسين الزمه امنين مدري
امن الحوافر خويه كلي والله ضل يوجعني ضهري

الزميني احضنيني يزينب لا تعوفيني
يالحنينه الهوه وينه اجر النفس خليني
شفت حسين متوسد عله الغبره
صحت توه الشمر كام وكطع نحره
****
كمت انادي يالحوافر بله كافي وعوفي ضلعه
حرت اشيله امن الترابه لو ادور عن اصبعه
صدر اخيي اسهام كله وكوه يحجي حسين اسمعه
الكاع تجوي وهوه عاري مجفي وجها وهذا وضعه

عله اجروحه بجت روحه تسعر بيه نيرانه
اشكثر ضامي النحر دامي وحته اشفافه ذبلانه
افييله بعباتي ونحب بكتره
صحت توه الشمر كام وكطع نحره
********
فوك جسمه الخيل جلت اثيابه اعاين سلبوها
بدم لحيته اشكد تخضب وحته العمامه خذوها
كام ينضر للمخيم ايشوف الخيام احركوها
بلايه رحمه الشمر كلهم بعدو زينب عن اخوها

يطعنونه يسحكونه ولا جنهم يعرفونه
الدمع غربه يبس كلبه اميه ما يشربونه
ليش الخيل تسحك ضلعه وتكسره
صحت توه الشمر كام وكطع نحره
*******
الشمر كاعد فوك صدره وبيده خنجر كمت المحه
طاح كلبي ويدي رجفت وكتله اوكف لا تذبحه
بهيده كتله ويه اخيي جرحي يكبر من تجرحه
اشكال كلبك من ذبحته راسه ينزف فوك رمحه

رحت يمه وشفت دمه وصحتلك يا شمر عوفه
الهظمني اكثر ابو الاكبر يسد عيونه بجفوفه
زينب ماتت وعدلت الف مره
صحت توه الشمر كام وكطع نحره
******





كتله خويه اكعد اكعد لا تخليني وتسافر
ليش خويه مجفي وجهك بيك شمسويه الحوافر
جا ضحكتك وين راحت الجيش كله اعليك داير
الما يلوحك خويه منهم ضل يطعنك بالخواصر

وكف كلبي وحك ربي حرت اشلون اشيلنه
اكلبنه وندهنه بس يحجي ردت منه
مات حسين اخوي وكلبي شيصبره
صحت توه الشمر كام وكطع نحره
******
تمت
تحسين الخفاجي باز کردن / نظر دهید

2022-07-30 15:48:45

باز کردن / نظر دهید

2022-07-30 13:12:03

باز کردن / نظر دهید

2022-07-30 11:03:18 قصيده فزاعيه للسيده رقيه ع


طـفلــه وخايفه فزت أمن النومه
صاحت وين ابوي وحيل مالومه


فـزت شـايطــه وتكول حاجوني
يـعمــه ويــن ابوي اعليه ودوني
اشوفه السـوط عمه سوه بمتوني
خذو مني التراجي ومنه حرموني

هوسه

الترجيه عزيزه // ومني سلبوهه


بـــويه بالخـــرابــه اشلون نومتنه
واهـــل الشام عكبك حيل اذتنه
اشبيها الناس شو بحجار رامتنه
نــصـــد الــروسكـــم حنت الحالتنه

هوسه

كــللولــي السبيه // خــل اندهنه


مــوش انــه عـــزيزه مدلله بجاله
شــلــون الــدللانــي ادوسه خياله
دمـعــات اليتـيـمه بــغـــرب جتاله
هذا الراس نزله النه يشياله

هوسه

بـطــل نومتك // عدمن امخليني


تــدرون الـيتـم يـــا ناس مو كدي
ازامط بـيــــش وانــه ابو ماعندي
يشـتمني شمر ويكلي شو صعدي
مــن سـيـــاطهم ازرك صبح زندي

هوسه

وسفه حسين // مـــاكام وتلكاني


صـار ايــام وانــه مفاركه ارسومه
هــذا الداس صدره وسلب اهدومه
مــا يــدري بــرقيه حيل مهضومه
كــلــي شعـطلك وابــطـاك بالنومه

هوسه

فــكـدت الرأي // ودمعات بعيوني


شــلــونك يـابـعــد بـتــك وملكاهه
عــمتــي بــالسـبي والروس وياهه
اخــبــرنـــك شمر بالسوط ضرباهه
الــف كســـره يبويه البين كسراهه

هوسه

مسبيات رحنه // ونحدي عالناكه

***
بقلم خادم الحسين ع
كنان الهاشمي باز کردن / نظر دهید

2022-07-30 11:02:30 اهلي الفاركوني. وماظنهم يجوني
يمته تعود الاحباب. وسمع دكت الباب


عافوني وحيده وسارت النوك
وعيوني عليهم خزنت شوك
وكلبي اعله الضعن يابويه محروك
خيالك تدري من العين مبيوك

عدمن ودعتني. يالرحت وعفتني
وياكم يحله العتاب واسمع دكه الباب


ريض بالضعن يابويه يحسين
وين اتريد بهلي الكربله وين
راح النوم يحرم بويه عالعين
شديتو الرحال وعني ماشين
لو طول سفركم. امنين اسمع خبركم
دمع عيوني سجاب. واسمع دكت الباب


بعد شيعودنه ونلتم سويه
عيني اعله درب ضلت ربيه
تــدرون الغروب يعيل بيه
بفركاكم شفت بويه المنيه

خافنكم تطولون شيب رمش لعيون
كلبي امن الحزن ذاب اسمع دكه الباب


ولو بطيف مرني بس خيالك
مـحتاجه تره اهواي الدلالك
حــتــه بالحلم طيفي اجالك
ردتلي امجان وتحطني برحالك

ردت بهودجي امجان وجسمي اهوايه نحلان
الفركه تدري دولاب واسمع دكه الباب


لا مرسال من عدكم اجاني
ولو عفتوني ما يرحم زماني
بسد الباب كمت اكعد وتاني
ضلت فارغه بيوت الجفاني

كلبي امحمل جروح وتدري دمع مفضوح
من عيني الفرح غاب واسمع دكت الباب

بقلم خادم اهل البيت ع

كنان الهاشمي باز کردن / نظر دهید