*عيدالغدير الاغر* *عيد الله الاكبر* ................. انبايعك مولاي تمحيها احزاني قلبي يريده شلون اهوه شخص ثاني ............... حبه اليرد الروح بلسم لكل اجروح بعيدك يروح النوح عشكي يضل مفضوح بسمك اسولف بيك يل انته عنواني قلبي يريده شلون اهوه شخص ثاني ............. والد حسن وحسين بيك اكتمل هدين فارس بدر وحنين حيدر بياض العين غيرك فلا حبيت بس انته وجداني قلبي يريده شلون اهوه شخص ثاني ............. حبه يضل يكبر اليوم وبعد اكثر بنبض القلب يفتر بيك انفتح خيبر ضايع وشوفك جيت بيك انته نيشاني قلبي يريده شلون اهوه شخص ثاني ............... انته ألابو الوالد وانته الكفو القائد غيرك فلا واحد وربنه يضل شاهد قائد تضل لدوم وبلخدمه تلقاني قلبي يريده شلون اهوه شخص ثاني ............. ابنهجك علي افخر بعيد الغدير احضر الواله علي يكبر معروف ولامنكر بابك يضل مفتوح ومسدوده بيباني قلبي يريده شلون اهوه شخص ثاني .................. اشما طالت اسنيني انته نضر عيني بحسابي تهديني انته الي تنطيني انته شفيعي وأجري هو انطاني قلبي يريده شلون اهوه شخص ثاني **** لشاعر محمد الشريفي ...... 401 views19:26
