دمعي بمحرم -- ضل يجري بس دم --- من شفت أنه هلال الحزن ضل تجري | 🌹تجمّع الزهراء ع للموالد🌹
دمعي بمحرم -- ضل يجري بس دم --- من شفت أنه هلال الحزن ضل تجري دم عيني نرسمت صور طف كربله وصارت تأذيني اذكر هلي والماجره شهرك يخليني ودرب السبي من اذكره والله يأذيني بحرك المخيم --- ضل يجري بس دم ----- محرم شهر بي شفت إنه چم محنه چم لوعه شفت الگمر يم النهر چفينه مگطوعه وعبد الله ويلي من العطش ما نشفت ادموعه وشفت الحوافر بالصدر يا ويلي مطبوعه الصدر التهشم --- ضل يجري بس دم ---- ها يا محرم لا تهل ارحم گلب زينب ترضاها كل صبح ومسى يا ويلي تتعذب درب السبي ومجلس يزيد بمهجتي اصعب بت حيدر الوارث علم هادينه اتغرب متني الي ورّم -- ضل يجري بس دم ----- هلالك الم ما ينسي وجرح بدليلي چبير وروحي التون من القهر كل ليله هي اتحير لو ما لشوفك بالسنه يهلال شنهي ايصير تذكّرني علجمره برعب بخيمنه حين انسير جدمي التألّم --- ضل بجري بس دم ----- شهر الحزن سهمك صعب صوره حزن بالروح وسطر الالم طول الدهر بگليبي ما ممسوح ريت انذبحت بكربله وحسيني ما مذبوح ولا شفت إنه اطفال وحرم بين الخيام تنوح جرحي تلملم --- ضل يجري بس دم ----- الشاعر محمد حسن ضيغم
